Монгол кино ба бэлгийн боловсрол

Өнгөрсөн долоо хоногийн бямба гаригт үсээ будсан нэг хүүхэдтэй нийлж аваад "Өргөө" кино театрыг зорилоо. Ойрдоо угаасаа би кинотеатр руу зүглээгүй байсан юм. Зарлалын электрон самбар дээр дүүрэн л Монгол киноны сурталчилгаа... Хуваарийг нь харж, харж хамгийн ойрын үед эхлэх гэж байгаа киног нь сонголоо. Үзсэн киноны нэр нь "9009". Нялуунаас шулуун нь дээр гэдэг билүү. Киноны зохиолын хэлэх гэсэн санаа-идея нь уг нь хөөрхөн. Сонирхолтой санагдсан зүйл нь 90-ээд оны эхэн үеийн Монголын залуучуудын амьдралыг өнөө үеийнхэтэй харьцуулж харуулсан хэсэг нь содон байлаа. Сүүлийн үеийн Монгол киног үзээд байхад нийтлэг хэдэн зүйл ажиглагдаад байгаа юм. Хайр дурлал, карьер хөөж байгаа залуугийн хичээл зүтгэл, хажуугаар нь ёс юм шиг зодоон цохионтой боевик хэсэг, бас загас наадуулж байгаа эротик зураглалтай хэсгүүд заавал үзүүлнэ. Өнгөрсөн хагас сайнд "Өргөө"-д кино миний хажуугийн суудал дээр 10 нас ч хүрээгүй болов уу гэмээр хоёр жаахан банди сууж таарсан юм. Эротик хэсэг нь гарсан чинь өнөө хоёрын эрүү мултарч, нүдээ бүлтийлгээд анхааралтай үзэж байна гэж жигтэйхэн. Би тэдний насан дээр байхдаа эротик байтуйгай киноны үнсэлцэж байгаа хэсгийг ч харахаасаа ичдэг байлаа ш д. Одооны хүүхдүүд ийм болсон юм болов уу? Кино теартынхан нь орлогоо бодоод хүүхдэд кино үзүүлэхдээ насны хязгаарлалт тавьдаггүй бололтой. Бэлгийн боловсролыг ямар ч хүнд багаас нь өгөх нь зөв зүйтэй гэж гадаадын орнуудад үздэг л юм байна лээ. Гэхдээ тэд арай ч 10 нас ч хүрээгүй хүүхдэд шууд эротик кино үзүүлж бэлгийн харьцааны тухай мэдлэг өгдөггүй байлгүй дээ. Харин ч эротик хэсэгтэй киног 18+ насныхан үзэхийг зөвшөөрнө гэсэн байдаг санагдах юм. Соёлтой орнуудад ямар киног хэдэн насны хүн үзвэл тохиромжтой вэ гэдгийг бичсэн байдаг. Бас ТВ хөтөлбөр дээр ч иймэрхүү тэмдэглэгээ хийсэн байдаг. Монголын ТВ-үүдээс MNB, NTV хоёр л насны ангилал заасан тэмдэг дэлгэцны доод буланд гаргасан байдаг. Одоо 7 хоногт хэдэн ч монгол киноны нээлт болоод байгаан бүү мэд. Даанч кинонууд нь бүгд хоорондоо адилхан болоод байх юм.

Амьдралаа гэж...

"Амьдралаа гэж" ток шоу ТВ-ээг нэг хэсэг гардаг байсан даа. Ингээд бодохоор хүн болгон АМЬДРАЛ гэдэг ток шоуны гол баатар ч юм шиг. Хүүш, ингээд ажиглаад байсан чинь миний 6 сард блог дээрээ хийсэн бичлэгүүд асар богинохон богинохон юмнууд байх юм. Эволюция гэж энэ юм болов уу?

Без названия

Мне кажется определить самого себя труднее чем понять кого то. И я сегодня помог одному человеку понять кто он. Надеюсь что он нашел ответ на этот вопрос. Как будут развиваться события, вновь покажет ВРЕМЯ.

ЗАРЛАЛ

Мэргэжлийн өндөр түвшинд шүд цайруулж, сэвх арилгаж, үс будна. Мөн нүдний хялар засна. Хөмсөг шивнэ. Батга шахна. Арьсний өнгө цэвэршүүлнэ. Биеийн галбир засна. Хөх томруулна.
Adоbe Phоtоshоp программ дээр шүү

ГАНЦААРАА

Би хаашаа л харна, хаа сайгүй хүмүүс. Тэгсэн хэрнээ би бас ганцаараа ч юм шиг.

Хусуулцаан

Ойрдоо блогоо бичсэгүй. Угаасаа зав ч бага байсан юм. Ерөнхийдөө эхний хагас жилийн ажил цэгцэрлээ. Одоо л жаахан амсхийж авна даа. 6 сарын төлөвлөгөө эхнээсээ хэрэгжсэн шүү. Өнөөдөр мулзан толгойтой болчихлоо. Үсээ хусуулцаан. Хамгийн сүүлд 3-р ангид байхдаа үсээ хусуулж байсан санагдаж байна. Гэнэт л эмоцидоо хөтлөгдөөд үсээ хусуулаагүй юмаа. Нэлээн удаан бодсон. Сүүлдээ хусуулна, хусуулахгүй гээд л сарнай цэцгийн дэлбээ хүртэл тасдаж хаяж үзэв. Сүүлийн хэдэн жил байнга үсээ гельдэж, лакдаж, тосолж байлаа. Химийн зэвсэгээр бөмбөгдүүлсээр байгаад үс маань оргиналь өнгө зүсээ алдсан. Энэ зун ядаж толгой хөнгөн, сайхан байя гэж аль эртнээс бодоод байсан юм. За тэгээд халзан мулзан хүн чинь эдийн засгийн хямралын үед хэмнэлттэй. Үсчин орохгүй, тос, гель, лаканд мөнгө үрэхгүй. Бөөн бөөн хэмнэлт гарна гэдгийг ч тооцоолоод авсан. Хэмнэсэн мөнгөөрөө сайхан шоудана. Энэ зун бага ажиллаж, их амарна.
Толгойн дээр байсан үс алга болчихсон чинь одоо нэг юм дутуу ч юм шиг сонин санагдаад байх чинь keke... Үсээ хусуулчихаад толинд харлаа. Миний хуйх дэндүү цагаан. Дэргэд нь дух бор харагдаж байна лээ. үсэн доор нуугдаж байсан хуйхандаа нар салхи үзүүлэхээс. Үсээ хусуулсан оройдоо таньдаг хүүхдэд камераа өгсөн чинь намайг Тансан ламтай адилхан байнаа гэнээ. Эхний реакц нь бол "uuuuu yaaaaaaaa", "aaaaiiiiiiimar" гэсэн. Намайг халзан болчихно гэж төсөөлөөгүй л байх л даа. Өнөөдөр толгойн дээрээ тавих саравчтай малгай худалдаж авлаа. Ер нь би саравчтай малгай бараг өмсдөггүй юм. Маргааш ажлынхан намайг яаж хүлээж авах бол гэдэг сонин байна. Хаха. Маргааш ажилдаа кет, шорт, подволктай очноо. Зангиа цамц, костюмнаас түр зуур салахаар шийдсэн. (^^

ШАНХАЙН СОЛОНГО

БНХАУ-ын Шанхай хотод гей фестиваль болж байна. 7 хоног үргэлжилэх энэ арга хэмжээний хүрээнд гей лесби сэдэвтэй уран сайхны болон баримтат кино үзүүлж, гэрэл зургийн болон дүрслэх урлагийн үзэсгэлэн, хэлэлүүлэг зохион байгуулна. Бас үдэшлэг болно. Сүүлийн хэдэн жилийн турш Шанхай хотод амьдарч байгаа АНУ ын хоёр эмэгтэй гей фестиваль зохион байгуулж байна. Хятадын засаг захиргааны зүгээс хориг ирж магадгүй гэж үзсэн тул тэд гей парад хийх бодолоо орхиж, гей фестиваль зохион байгуулах болжээ. Гей фестивалийн үйл ажиллаагаанд ойролцоогоор 2000 хүн хамрагдах болно гэж зохион байгуулагчид нь урьдчилан тооцоолжээ. Олон нийтийг хамарсан цуглаан, парад хийхэд хятадын засаг захиргаа маш болгоомжтой ханддаг байна.Цуглаан жагсаалын үеэр эрх, эрх чөлөөний асуудал хөндөгдөх вий гэж маш сэрэмжилдэг. Ханна Миллер Шанхайн гей фестивалийн бүх зарлал, сурталчилгааг зөвхөн англи хэлээр бичиж тараасан байна. Гей фестивальд ихэвчилэн гадаадын иргэдийг хамруулах гэж байгаа ч хятадууд ч бас сонирхох байх гэж найдаж байна. 1997 оноос өмнө Хятад улсад гомосекс бэлгийн харьцааг гэмт хэрэг гэж тооцдог байлаа. Тэгвэл 2001 оноос хойш ижил хүйсийн хүндээ татагдаж, хайр сэтгэлийн холбоотой болох нь сэтгэцийн өвчин биш гэж Хятадын эрүүл мэндийн салбарынхан зарласан байна. China Daily сонинд бичсэнээр БНХАУ-д ойролцоогоор 30 сая гей, лесби амьдарч байна. Энэ нь нийт хүн амын 3 хүрэхгүй хувь юм.