ХАЙРЫГ ОЛОХООС ИЛҮҮ ХАЙРЛАЖ ЯВАХ ХЭЦҮҮ

ХАЙРЫГ ОЛОХООС ИЛҮҮ ХАЙРЛАЖ ЯВАХ ХЭЦҮҮ

Намрын халуун өдөр

Өчигдөрийн халууныг ээ. Намрын халуун өдөр гэж л үүнийг хэлдэг байх даа. Хар халуунд бов бор болтолоо алхав. Алхах хэрэг гарсан болоод л алхсан хэрэг. За тэгээд их алхсаных уу ам их цангав. Тэгээд амны цангаагаа гаргахаар ажлынхантайгаа бийрдэж суув. Ойрдоо шар цагаан гээд бүх төрлийн айрагнаас хол байсан юм сан. Юу болсон юм бэ? гэмээр их уув. Онцлог нь согтсонгүй. Орой гэртээ ирээд юу ч болоогүй юм шиг шомбойж суугаад дүүгийн орчуулаад өг гэсэн материалыг орчуулж өгөөд байгаам даа. Сая орчуулж дуусчаад одоо блог руугаа орж байна. За сүүлийн 14 хоног gym-дээ явсангүй. Нэг хэсэг түр завсарлага авмаар болов. Завсарлага авна даа ч гэж бодож байсангүй. Бие организм өөрөө л завсарлага авах механизмаа ажилууллаад байх юм байна шд. Ойрд урлаг соёлын хөтөлбөр ихтэй байж магадгүй байна аа. 28-нд Камертоны тоглолт. УДЭТ-т "Би ч гэсэн жаргамаар байна" драмын жүжиг, Өргөө, Тэнгис, Соёмбод бас Монголын шинэ кинонууд гарч эхлэж байгаа сурагтай. 9 сарын 1-нд хүүхдийн парк нээгдэнэ. Оройтсон ч гэсэн хүүхдийн парк онгойж байгаа нь их юм даа гэж бодож байна. Хүүхэд насаа дурсаж, бас шинэчлэгдсэн парк ямархуу болсоныг харахаар хэрэгт дурлаж очно оо. Намар болж хүмүүсийн амьдрал идэвхитэй хэлбэрт шилжиж байгаа нь мэдрэгдэж байна шүү. За унтлаа. Дараа бичье.

Дархан хотоор аялал хийсэн нь.

Амралтын хугацаа ерөнхийдөө дуусгавар болж байна. Улаанбаатараас 265 орчим км-ын алсад байдаг "найрамдалын" гэсэн тодотголтой Дархан хотод хэсэг зугаалаад ирлээ.
Амьдралдаа анх удаа Дарханд очиж үзсэн юм. Улаанбаатарыг бодох юм бол цэвэрхэн, тохижилт сайтай, хотын гудамжны зохион байгуулалт нь маш сайтар бодсоны эцэст хийгдсэн сайхан хот юмаа. Ер нь Дархан хотыг магтах юм бол миний мэддэг магтаалын үг хүрэхгүй нь ээ. Энд гудамжинд замын түгжрэл гэж алга. Нус цэрээ нийж, гудамжинд хог хаяж байгаа бүдүүлэг этгээд алга. Урбанизация сайн явагдсан гоё хот юмаа.

Дархан хотын алдарт 16 давхар орон сууцны байшин. Лифт нь ажиллахаа болиод удаж байгаа юм гэсэн. Хамгийн дээд давхарт нь нэг лам амьдардаг юм гэсэн. Үнэн эсэхийг нь бүү мэд. Би ямар шалгаж үзсэн биш. Эрдэнэс плаза гэсэн энэ барилга бол ашиглалтанд ороод удаагүй байгаа шинэ байшин. 1-р давхарт нь хүүхдийн автомат тоглоомын газартай. Харин 2-р давхарт нь Дарханы "Соёмбо"кино театр бий. Кино театр нь 2 танхимтай. Тасалбарын үнэ нь том хүн 3000, хүүхэд 1000 төгрөг гэж байна лээ. Сонирхоод тасалбарын үнийг асуусан юм. За харин 3-р давхартаа бэлэн хувцас зардаг лангуу дүүрэн. Лангуу гээд их бүдүүлэг бичиж байна аа. Худалдааны төв , Шоппинг центр гэж бичвэл их чамин болох юм байна. ((-:Дархан хотын паркын төв хаалга.

Дарханы энэ парк маш тохижилт сайтай, боломжийн тохижилттой. Аятайхан газар байна лээ шүү. Та минь ээ. Улаанбаатарт иймэрхүү парк ч байхгүй болсон шд. Үнэн биз дээ?

Парк дотор 12 одны орд тус бүрд зориулсан хөөрхөн хөшөө барималтай. Энэ жишээ нь хонины орд. Хонины ордонд төрсөн хүмүүс энд ирж патиараа татуулж болно.
За энэ бол хилэнцийн ордоны бэлгэ тэмдэг нь. Усан оргилууртай. Даанч намайг очиход усан оргилуур нь ажиллаагүй байсан.
Дарханы хүүхдийн парк нь хэдэн ширхэг тоглоомтой. Өдрийн цагаар паркын тоглоом нь ажиллахгүй ээ. Ажиллуулдаг хүмүүс нь тоглоомынхоо моторыг гинжилж цоожлоод яваад өгнө. Харин орой тав, зургаан цагаас хойш ажилладаг онцлогтой.
Паркын гинжин дээр сууж тоглож хүүхэд насаа хальт дурсав. Том хүн 500 төгрөг. Эхэндээ толгой эргэж байснаа сүүлдээ дасаж зургийн аппаратаа гаргаж зураг дарах сэхээ орлоо шд. Паркын хашаанд Монголын газрын зургийг дүрсэлсэн хөөрхөн үзмэр бий. Энэ дарханыг бэлгэдэж хийсэн хөшөө. Шөнө болохоор гэрэл чийдэн асаж их гоё харагддаг юм гэсэн. Онгоцоор нисэж явахдаа бүүр ч тансаг харагддаг гэж байгаа.Дарханы дүүжин гүүр. Орой 9 цагаас хойш гэрэлтүүлэг нь асаад янзтай харагдана шүү дээ.
Шинэ Дархан дүүрэг нь. Гүүрэн дээрээс.
Харин энэ бол гүүрний нөгөө талаас үзэгдэх орчин. Хуучин Дархан хүрэх зам. Бурхантай уул.
Ямар эгц өндөр шат вэ? Өгсөхөд ч яахав. Уруудахад бол хэцүү л юм байна лээ.
Морин хуур цогцолбор Хөөрхөн унага байгаа биз... Дарханы "Морин хуур" цогцолборын ерөнхий байдал... Дархан хот дахь Номин дэлгүүрийн сурталчилгаа За, бүтээн байгуулалтын ажил явагдаж байхад иймэрхүү жижиг самбарыг хаа сайгүй харж болно. Бусдын ажлыг хүндэтгэ. За Дарханд хийсэн миний аялал нэг иймэрхүү. Дарханд иймэрхүү бүтээн байгуулалт хийхээр бол оршин суугч бүрээс нэмэлт татвар авдаг юм билээ. Насанд хүрсэн хүнээс 10000 төгрөг шууд цалин дээрээс нь суутгаад авна. Сургуулийн хүүхдээс 1500, цэцэрлэгийн хүүхдээс 500 төгрөг... гэх мэтээр. Энэ юмыг хийж бүтээхэд миний хэтэвчнээс мөнгө гарсан шүү гэсэн бодол төрдөг болохоор хийж бүтээсэн зүйлээ эвдэж сүйтгээд байх хүн байдаггүй юм гэнэ лээ. Цахилгаан эрчим хүч авахдаа электрон тоолууртай. Урьдчилсан төлбөрт карт худалдан авч цахилгаанаа хэрэглэдэг. Өнөө карт нь дуусвал гэрийн тог тасарна гэсэн үг. Ер нь их зөв менежмент Дарханд байнаа. Зам түгжирнэ гэж байхгүй. Нэг газраас нөгөө газар руу явахад машинтай сүнгэнүүлж өгч байгаа юмаа. Дархан-Уул аймгийн төв Дархан сум гэж ярихаар Дарханыха их дургүй юм билээ. Харин Дархан хот гэж ярих юм бол тэд дуртай. Ер нь тэгээд хотын статусыг нь эргээд сэргээмээр юм. Хуучин Монгол улс Улаанбаатар, Дархан, Эрдэнэт гэсэн 3 хот, 18 аймагтай байлаа шд. Одоо ганц хот, 21 аймагтай. Ганцхан хоттой бүхэл бүтэн улс гэхээр хөгийн сонсогдож байгаа биз дээ. За дахиад Дархан хотод очноо. Гоё намуухан хэрнээ хотын соёл хамгийн дээгүүр түвшинд хүрсэн юм шигээ.

PARTY

8 сарын 14-нд 19 цагаас SANSAR NIGHT CLUB-д FACE and VANITY party болно. Тах-10000. Үзүүлбэртэй.
Хамгийн гол нь цэнхэр, эсвэл цагаан өнгийн хувцастай ирээрэй.

WATER BOYS

Японы WATERBOYS уран сайхны киног үзэж дахин кайфдав. Дахин кайфдав гэж байгаа маань цаанаа учиртай. Энэ киног 2003 онд Москвад зохиогдсон Японы кино өдрүүдээр театрт анх үзэж байсан юм. 7 жил өнгөрсөний дараа торрентоос татаж үзлээ. 1980-аад оны сүүл 90-ээд оны эхээр болсон бодит үйл явдлаас сэдэвлэж 2001 онд Фужи телевизийн хийсэн хөөрхөн кино. Синхронное плавание гэж байдаг даа. Хөвгүүдийн сургуулийн хөөрхөн жаалууд цөхрөлтгүй хичээл зүтгэлийн тухай. Транс агаа/аниа, бас анхны хайртайгаа учирч байгаа гей жаал... Энэ бүхэнд waterboys-д бий.

НЭЭЛТ... хихи

Энэ нээлтийг би аль дээр үед хийсэн юмаа. Гэхдээ тухайн үедээ өөрөө өөртөө гайхаж байлаа.
Хэд хоногийн өмнө энэ бол яалт ч үгүй нээлт мөн гэж бат итгэлээ. ЭВРИКА гэж хашгирлаа. ( Энэ бол дэгсдүүлсэн хэрэг. Ингэж хэлэх нь ч юм бэ?) Өөрөө өөрийгөө танин мэдсэн хэрэг. Эхнээс нь өгүүлэхэд ийм байна. (Эртний ном зохиолд ингэж бичээд байдаг билүү?)
Өгүүлрүүн: Нэг нартай сайхан өдөр гудамжинд MНЭД алхаж явлаа. Гэтэл өөдөөс алхаж яваа бүсгүй нэрээр минь дуудаж мэндчилээд сүйд болж байна. Харсан чинь нээх гоё бүсгүй. Харц нь танил ч юм шиг. Гэхдээ би хэн хэдгийг нь олдоггүй. Бантсандаа болоод хариу мэндлэв. Тэгээд би энэ бүсгүйг хаана үзлээ? гэж бодлоо. (Манай ажлын газрын стрэйт эрчүүд "энэ хүүхнийг хаана үзлээ?" гэвэл 2-р сувгийн юм ярьж байна гэсэн үг.) Нээрээ хэн бүсгүй би хаана үзлээ? гэж өөрөөсөө асуулаа. Гэхдээ би ХААНА ҮЗЛЭЭ гэдгийг 1-р сувгаар нь өөрөө өөрсөө асууж байгаа юм шүү. Яриад байсан чинь ерөнхий боловсролын сургуульд нэг ангид сурч байсан охин байдаг байгаа. Хүмүүсийн хэлдэгээр арван жилийн хүүхдээ танихгүй онигоо боллоо. Ерөнхий боловсролын сургууль төгсөөд өчнөөн жил болсон байхад танихгүй байх нь аргагүй шд. За дээр үед болоод өнгөрсөн юм энэ ч яахав. Гэтэл өчигдөр өдрийн цайны цагаар нэгэн хоолны газар орлоо. Захиалгаа сууж байсан чинь зэргэлдээх ширээнд сууж байсан нэг бүсгүй учиргүй инээмсэглээд, ханд хаяж байна. За, энэ бүсгүйг хаана үзлээ? гэж бас бодлоо. Гэтэл өнөөх бүсгүй гараараа даллаад дуудаж байна. Би яваад очлоо. Очоод ярьсан чинь их сургуульд хамт сурч байсан нэг стрэйт найзын маань төрсөн эгч нь. Намайг хараад л дуудсан юм байх. Бид хамгийн сүүлд 3 жилийн өмнө уулзаж байсан санагдана. 10 жилийн ангийнхаа охиныг танихгүй байхад 3 жилийн өмнө ганц, хоёр удаа хальт уулзаж байсан бүсгүйн царайг яаж ч санах юм бэ дээ. Тийм биз дээ. Гэхдээ энд нэг "НО" байнаа. Ер нь би эмэгтэй хүний зүс царай, нэр усыг бараг тогтоодоггүй юм байна. Харин эрэгтэй хүний нэр, нас, царай зүсийг бол ямар ч асуудалгүй тогтоочихдог. Тэгээд аятайхан царайлаг залууг бол бүүр мартахгүй шд. Миний толгойны шуурхай санах ой-RAM маань хоногийн хэдийдч католог дотроосоо нэг харсан залуугаа хайгаад олчихно шүү дээ. Энэ л миний НЭЭЛТ. Хэхэ.

За өөр сонин сайхан гэвэл, төмөр өргөөд гурав дахь сар нь эхлэж байна. Боксоор бол 3-р раунд нь эхэлчихсэн. 5 сарын 25-нд төмөртэй найзлах гэрээ хийсэн юм. Анх дан гол өргөж байснаа бодоход одоо бол овоо хэдэн кг-ын гантел хийж өргөөд байгаа. (Ичих нүүрээ элгэндээ наагаад бичиж өгч байна аа.) Гэхдээ байнга яваад байхаар амьдралын маань нэг салшгүй хэсэг болж байх шиг байнаа. Очиж дасгалаа хийхгүй бол хамаг бие чилээд ч байгаа юм шиг санагдаад байдаг болсон байна лээ. Gym-д явдаг бусад хүмүүс ингэдэг болов уу?

Мальчиктай болоод нэг сар аль хэдийнэ өнгөрчээ. 2-р раунд нь аль хэдийнэ эхэлсэн. Яг одоогоор малыш маань хөдөө явчихсан байгаа. Гар утаснаасаа зурвас бичилцээд. Ядаж байхад би тэр болгон мэссэж бичээд байдаггүй. Хэрэг гарвал шуудхан л залгаад ярьчихдаг. Өнөөх маань мэссэж бичихдээ гаргуун. Тэр хуруунууд нь ямар ч хурдан хөдөлдөгийн. хэхэ. Би хэрэндээ л хурдан бичээд байхад гүйцэхгүй л байгаа юм даа. За нэг иймэрхүү.