Миний блогт ордог журамын анд найзуудаа!!!

Эрхэм та ирээдүйд тэмүүлсэн өөдрөг үзэл, ихийг хийж бүтээх гэгээн мөрөөдөл дүүрэн шинэ оноо аз жаргалтай угтаж байгаа байгаа гэдэгт би итгэлтэй байна. Улиран одож байгаа хуучин он танд ухаарал баяслыг хайрлаж, угтан авч байгаа шинэ он танд урам зориг, аз жаргалын дээдийг бэлэглэг. Танд шинэ жилийн чин сэтгэлийн мэнд дэвшүүлж байгааг минь хүлээн авна уу.

Хүндэтгэсэн: MNED

Хэрвээ надад баг байсан бол...

Если у меня был бы маска, я бы с удовольствием носил бы и пошел бы на это мероприятие. Но сам прекрасно понимаю что мне нельзя там присутствовать. Весь вечер я думаю только о маске которую легко способна изменить внешний вид человека. Если существовала бы такая маска в реальной жизни...

Сайн мэдээ

Өнөөдөр өглөө сайн мэдээ дууллаа. Өнөөх хоёр жаахан дүү маань зорьсон газраа саадгүй хүрсэн гэнэ ээ. Хар үүрээр 6 цагт утасдаад мессенжердэе гэж байна. Гомпуутэрээ асаагаад мессенжэрээр баахан яриж суулаа. Одоо би эндээс л мессенжерээр ярилцаж, вэб камераар л та нарыгаа хардаг болох нь дээ гээд 11 настай дүү маань хэлж байна. Хөөрхөн ухаантай хүүхэд шүү. Сайн мэдээ дуулсан болохоор өнөөдөр сэтгэл санаа ч гоё байна аа. Өчигдөр Х ажлын газрын шинэ жилийн party-д оров. Ер нь энэ долоо хоногт миний хувьд энд тэндэхийн party-д орсоор байгаад л дуусаж байна. PARTY WEEK байлаа. MNED ер нь элдэв янзийн party-нд очдоггүй хүн байгаан Тэгсэн чинь 2008 оны сүүлчийн 7 хоногт шинэ хуучин ажлынхантайгаа ингэж их шоудна гэж зүүдлэж ч байсангүй. Party -нд явах болгондоо л шөнийн 3 цаг гээд хонх дарж гэртээ ордог.Аав хаалга тайлж өгдөг. Хэхэ. Угаасаа гэрийнхэндээ ийм тийм учиртай party-нд очих урилга заллагатай, заримд нь таксийг нь төлөөд би өөрөө орохгүй бол болохгүй гээд өмнө нь сайн хэлээд ойлгуулсан болохоор гэрийнхэн ч юм хэлэхгүй байна лээ.

Миний нэр Гей. Жеймс Гей.

Барууны орнуудад хамгийн түгээмэл овогийн нэг нь ГЕЙ юм. (Гэхдээ энд ургийн овог). Ихэнхи англи хэлтэй орнуудад "GAY" гэдэг үгийн цаана "ангийн хүүхдүүдийг" илэрхийлдэг. Тэгвэл GAY гэдэг үгийг "Good As You" гэсэн үгийн товчлол гэж бас үздэг хүмүүс байдаг. ГЕЙ гэдэг нэр томъёоны тухай маргаан одоо ч тасрахгүй байна. Энэ үгийн хамгийн эхний шууд утга нь хөгжилтэй гэсэн үг. Иймд GAY гэдэг овогтой хүмүүст эрт дээр үед ямар нэгэн хүндрэлтэй асуудал тулгарч байсангүй. Орост ч бас ВЕСЕЛОВСКИЙ буюу "Хөгжилтэй" гэсэн утгатай овог бий. GAY овогтоны гарал үүслийн асуудал нэлээн сонирхол татдаг. Ер нь ургийн овгийн нэрийн үүсэл гарал нь тухайн удмын хүмүүсийн хийдэг байсан ажил төрөлтэй нь холбоотой. (Жишээ нь Монголын сансрын нисэгч Гүррагчаа САНСАР гэдэг овог авсан гэуж дуулсан юм байна.) Бас оршин сууж байгаа газар нутгийнхаа нэрийг ургийн овог болгон авдаг. 3-рт, эцэг эхийнхээ нэрийг ургийн овгийн нэр болгож авах тохиолдол байдаг.(Монголд ургийн овог сэргээх үед жинхэнэ овогоо мэдэхгүй хүмүүс шинээр овог үүсгэхдээ энэ аргийг хэрэглэсэн туршлага мэр сэр байдаг.) 4-рт, тухайн удамын хүмүүсийн нийтлэг тал, онцлог шинж овогийн нэрээ сонгоход нь нөлөөлжээ. Жишээ нь Шульгин гэдэг овогийн хүмүүсийн өвөг дээдэс нь солгой байсан гэх үндэслэлтэй. Славян угсааныхан солгой гартануудыг шульга гэж нэрлэж иржээ. Дээр нэр дурьдсан 4 үндэслэлийг GAY гэдэг овогийн үүсэл гаралтай амархан холбож тайлбарлаж болно. GAY гэдэг ургийн овогтой хүмүүсийн элэнц хуланц нь маш хөгжилтэй зантай, наргианч хүмүүс байсан байж мэдэх юм. Зарим судлаачид GAY гэдэг овогийн хүмүүс анх Нормандын GAYE гэдэг газар амьдарч байжээ гэдэг таамаглал дэвшүүлжээ. Тиймээс заримдаа GAY гэдэг овогийг GAYE гэж бичээд яг ижилхэн дуудлагаар хэлдэг. GAY гэдэг овогтой хүмүүсийн дотор түүхэнд нэрээ үлдээсэн хүмүүс цөөнгүй. Геральдийн номонд GAY угсааны хүмүүс төрийн эрх барьж байсан тухай өгүүлсэн байдаг. 17-р зууны үед GAY овогтонууд анх удаа жаахан эвгүй байдалд орж эхэлжээ. Учир нь хөнгөн явдалтай хүмүүсийг 17-р зууны үед Европт gay буюу хөгжилтэй хүмүүс гэж нэрлэх болжээ. Биеэ үнэлэгч эмэгтэйг хөгжилтэй бүсгүй (gay woman), харин олон эхнэр сольсон, эхнэрээ араар нь тавьдаг залууг " хөгжилтэй залуу буюу gay man гэх болжээ. Тэгвэл GAY HOUSE буюу хөгжилтэй байши гэдэг үгээр хошин урлагийнхан театр, алиалагчдийн ажилын байрыг бус харин буурчийн газрыг хар ярианд илэрхийлдэг болжээ. Харин 20-р зуунаас эхлээд "манай ангийнханыг" GAY гэж нэрлэж иржээ. Одоо орчин үеийн англи хэлэнд gay гэдэг үгийг хөгжилтэй гэдэг үндсэн утгаар нь бараг хэрэглэхээ больжээ. Харин үүний оронд хүмүүс ямар нэгэн хөгжилтэй зүйлийн тухай ярихдаа "funny" эсвэл "cheerful" гэж ярьж бичдэг болжээ. Оросын "Труд" сонинд Москвад амьдардаг ГЕЙ овогтой хэд хэдэн гэр бүлийг олж энэ тухай бичжээ. Тэтгэвэрийн хөгшин Георгий Гей сурвалжлагчид "Манай овогийн нэр нь Украин үгнэс үүсэлтэй. Манай өвөг дээдэс Украиний Запорож мужийн казакчууд байсан. Гей гэдэг нь Украин хэлээр урагшаа гэсэн утгатай. Зөвлөлт засгийн үед хүмүүс бидэнд зүгээр ханддаг байсан. Харин сүүлийн үед Григорий Гей гэж овог нэрийг минь дуулаад инээд алдах хүмүүс тааралдах болсон" гэж ярьжээ. Нэг удаа тэдий гэрийн утасыг мэдсэн нэг этгээд баахан харааж доромжилжээ. Тэтгэвэрийн өвгөн яаж ч тайлбарлаад цаадах нь ойлнохгүй байсан тул хариуд ч бас хамаг мэддэг хараадын муу муухай үгээ урсгаж "цохилт" өгчээ. Түүнээс хойш утасны террорист дахин амгалан тайван байдлыг нь алдагдуулаагүй байна. Америк, Англид амьдадаг GAY овогтонууд бусад хүмүүсийн зүгээс үзүүлж байгаа реакцид янз бүрээр ханддаг. Манай өвөг дээдэс үнэхээр хөгжилтэй зантай хүн байсан гэж тайлбарлах нэгэн байхад Москвагийн тэтгэвэрийн өвгөн шиг хараал урсгах GAY-ууд ч таарна. Интернэтийн сүлжээнд GAY овогтонууд форум нээсэн тохиолдол ч байдаг гэнэ. Тэгвэл зарим GAY овогтон эвгүй байдалд орохгүйн тулд овогийн нэрээ сольж байсан үзэгдэл ч бий. GAY гэдэг үгтэй холбоотой адал явдал интернэтэд ч бас тохиолдож байжээ. Facebook сүлжээ нэг сайхан нартай өдөр бүртгүүлсэн хэрэглэгчид gay гэж үгтэй ямар нэгэн бичлэг оруулахыг хориглосон байна. Гэтэл GAY овогоороо бүртгүүлсэн хэрэглэгчид FACEBOOK сүлжээнд нэвтэрч чадахгүй хүндхэн байдалд оржээ. LGBT хөдөлгөөний идэвхитэнүүд ч бас эсэргүүцэж байгаа тухай мэдэгдэл гаргажээ. Нэг их удалгүй FACEBOOK сүлжээнийхэн gay гэдэг үгийг хэрэглэхийг зөвшөөрчээ. 90-ээд оны эхэн үед АНУ-д хамгийн түгээмэл овогийн жагсаалтын 774-рт GAY багтжээ. АНУ-д хамгийн түгээмэл тархсан овог нь Смит, Жонсон гэнэ. Хамгийн ховор овогтонгууд бол Цукенберг. Ямар ч байсан GAY гэдэг овог Америкт Цукенбургуудээс хавьгүй олон. GAY гэдэг үгтой холбоотой өөр нэг асуудал интернэтэд гарч байлаа. Ижил хүйстэнүүдийн гэрлэлтийн эсрэг тэмцдэг "АНУ ын гэр бүлийн холбоо" гэдэг сайн дурын байгуулага"homosexual" гэж үгийг хэрэглэж байхыг шаарджээ. Консерватистууд энэ асуудлыг компьютерийн программын тусламжтай шийдэх гэж оролджээ. Интернэтэд gay гэж бичих л юм бол автоматаар "homosexual" гэдэг үгээр солих программ зохиожээ. Гэтэл нэг удаа өнөөх ид шидтэй программыг ашигладаг нэгэн сайтад спортын амжилтын тухай мэдээ нийтлэгдэх хүртэл бүх зүйл сайхан байлаа. Уг спортын мэдээнд " Тайсон гомосексуалист Олимпийн наадмын өмнөх урьдчилсан 100 метрийн гүйлтийн болзолыг амархан биелүүлжээ" гэсэн өгүүлбэр оржээ. Гэтэл үнэн хэрэг дээрээ энэ мэдээнд Тайсон Гей гэдэг овог нэртэй хөнгөн атлетикийн тамирчиний амжилтын тухай өгүүлсэн байлаа. Өнөөх ухаантай программ гей гэдэг үгийг шууд автоматаар "homosexual" гэж сольжээ. Гей гэдэг овогтой алдар цуутай хүмүүс нэлээн байдаг гэнэ. Тухайлбал сагсан бөмбөгийн ""Мемфис" клубын тамирчин Руди Гей, "Macromedia Flash" программыг зохион бүтээсэн Жонатан Гей, английн гэрэл зурагчин Жон Гей дуучин, ая зохиогч Марвин Гей нарыг дурьдаж болно. Тэгвэл одоо "GAY" овогтонуудын дотор "гей залуу" байгаа юу гэдэг асуулт гарч ирж байна. Мэдээж байж л таарна.
www.gay.ru-аас

Хоёр дүү минь замдаа сайн яваарай.

Аав ээжээсээ хол өчнөөн олон жил болсон манай хамаатны хоёр дүү маань өнөөдөр өглөө ээжтэйгээ уулзахаар алсын замд гарлаа. Ээж, ааваасаа хол өдий олон жил манай гэрт амьдарч ирсэн юм. Онгоцны буудал дээр үдэж өгөхдөө бид нар тэсэлгүй нулимс унагаалаа. Хөгшин эмээ маань эргээд ач нартайгаа уулзаж чадах болов уу гэж асуух, бувтнахын хооронд хэлж байна. Энэ жил дөнгөж эгч нь дөнгөж 16, дүү нь 11 настай юм. Ийм тийшээ нэг их явж байгаагүй хүүхдүүд. Замдаа бас нэг газраар транзит хийж байж зорисон газраа хүрнэ. Их холын хол явж байгаа болохоор эргээд хэзээ Монголдоо эргэж ирэхийг ч хэлж мэдэхгүй. Ээжтэй уулзаад та нар хэчнээн их баярлах бол... Хамгийн гол нь хоёр дүү минь замдаа сайн яваарай гэж одоо ч би дотороо залбирч байна. Очих газраа хүрчихлээ гэж сураг чимээ сонсох юм бол ганц би ч биш, манай гэр бүлийнхэний санаа амарна. Замдаа л саадгүй сайн яваасай.

Улс төрчидийн мэндчилгээ

Сая нэт ухаад сууж байгаад санамсаргүй www.bayarhuu.com -руу ороод. Тэгсэн чинь нэг ийм клип оллоо.

Send your own ElfYourself eCards

ЗУЛ САР БА ЦАГААН САР

Өнөөдөр Христиан шашинтануудын хувьд хамгийн чухал баярын тоонд ордог зул сарын баяр. Манай тооллын 4-р зууны үед хамаарах түүхийн эх сурвалжид "Зул сарын баяр"-ыг тэмдэглэж байгаа тухай дурьдсан байжээ. Ромын католик шашны урсгал, протестант сүм хийдийнхэн Зул сарын баярыг Григорианий хуанлигаар тэмдэглэдэг. Энэ нь 12 сарын 25. Харин Оросын үнэн алдартаны шашны урсгал, Констанополь, Антихийн, Александрын, Киприйн, Болгар, Румын, Грекчүүд зул сарын баярыг Шинэ Юлианы хуанлигаар 1 сарын 7 нд тэмлэглэдэг. Хоёр өөр янзийн он тоолол дагаж мөрдөж байгаа тул ингэж нэг баярыг өөр өөр өдөр тэмдэглэх болжээ. Үүнийг зүйрлэх юм бол Цагаан сарын баярыг Монголд өөр өдөр, харин Хятад, Вьетнам гэх мэт бусад Азийн орнуудад бараг сарын зайтай тэмдэглэдэгтэй л төстэй юм шиг санагдав. Хавар болохоор Монголын зурхайчид ямар тоолол ашиглаж байгаагаасаа хамаараад Цагаан сар хэзээ болох вэ? гэж баахан маргалдаж сонин хэвлэл, зурагт радиогоор цэц булаалдаж сүртэй юм болдог доо. Харин Христийн шашны урсгалынхан бол хоорондоо баяраа хэзээ хийх вэ гэж манайхан шиг хэрүүл хийдэггүй, тогтсон өдөртэй байдаг онцлогтой. Григорийн хуанли, Шинэ Юлианы хуанлигаар зул сарын баяраа тэд 2800 он хүртэл тус тусдаа тэмдэглэх юм байна. Энэ тухай энд дарж дэлгэрэнгүй мэдээллийг үзнэ үү. Дараа нь харин 2800 оноос хойш хамтдаа нэг өдөр тэмдэглэдэг болох юм байх.
Зул сарын баяраар бэлэг сэлт бие биедээ өгдөгөөрөө Цагаан сартай бас төстэй. Гэхдээ манайхан шиг нэг айлаас ирсэн бэлгийг дахин өөр хүнд дамжуулж бартер хийдэггүй. Хүний өгсөн бэлгийг дахиад хүнд бэлэглэнэ гэх юм бол тэдний нүд орой дээрээ гарна. (Илэн далангүй ярихад одоо ч гэсэн ирсэн бэлэг сэлтийг эргээд өөр хүнд өгдөг үзэгдэл арилаагүй байх гэж таамаглаж байна.) Христийн шашин их дэлгэрсэн оронд аж төрдөг монголчууд орчины нөлөөгөөр бас энэ баярыг тэмдэглэдэг болсон сурагтай. Бас Улаанбаатарт ч бас зул сарын баярыг далимдуулж байгаа хүмүүс мэр сэр байгаа гэдэгт итгэлтэй байнэ. Угаасаа баяр тэмдэглэх чинь сайхан юм чинь болохгүй юу байхав. Ер нь Монголчууд бид чинь тэртэй тэргүй өөртөө огт хүртээлгүй шахуу баярыг тэмдэглэж дассан хүмүүс. 1917 онд Орос оронд Октябрийн хувьсгал ялсаныг Монголчууд бараг 70 жил тэмдэглээд ирсэн. Бас олон улсын хөдөлмөрчдийн эв санааны нэгдлийн өдөр ( Ямар ч урт нэртэй баяр юм бэ дээ.) 5 сарын 1 тэмдэглэж хүмүүсийг хүчээр Сүхээ ахын талбай дээр сүр жавхлантайгаар инээмсэглэж, гартаа цаасан цэцэг, Ленин, Марксийн зураг бариулж алхуулдаг байж. Азаар энэ он жилүүд хар дарсан зүүд шиг ард хоцоржээ. Би ингэж жагсаж байгаагүй азтай жаал. Харин бидний аав ээж, эмээ өвөө нар 5 сарын 1 нд хүчээр алхалт хийдэг байснаа одоо ч хаяа эргэн дурсдаг юм.
За үг ихдэж, үхэр холдох нь... ЗУЛ САРЫН БАЯРЫН МЭНД. Цаг нь ирэхээр ЦАГААН САРЫН МЭНД хүргэнэ ээ.

ХАЙРЛАЖ БОЛОХГҮЙ ХАЙР БАЙДАГ УУ?

Өчигдөр өглөө дуучин Жавхлангийн шинэ уран бүтээл "Хайрлаж болохгүй хайр" гэдэг дууны клип зурагтаар явж байхад нь сэрлээ. Дууны ая нь чихэнд амархан хоногшихоор аятайхан юм. Харин үг нь жаахан сэжигтэй санагдлаа. Хайрлаж болохгүй хайр, хагацаж болохгүй учрал гээд л... Энэ дууны клипийг нь үзлээ. Сүүлийн үед хүмүүсийн тархиний түгжээг мултлагч Донж төвийн захирал Төгөлдөр клипэнд тогложээ. Хайр сэтгэлийн сэдэвтэй энэ дууны клипэнд Жавхлан, Төгөлдөр хоёроос өөр хүн огт гарахгүй байна лээ. Ер нь "Хайрлаж болохгүй хайр" гэдэг энэ дууг дуучин Жавхлан хэнд зориулсан бэ гэдэг асуултыг www.news.mn сайтынхан хөндөж тавьжээ. /Энэ тухай мэдээг энд дарж үзнэ үү./Энэ дууг хэнд ч зориулсан бай хамаагүй ээ. Их гоё дуу юм даа гэж бодлоо. Хайрлаж болохгүй хайр гэж байдаг юм болов уу? гэж би бас өөрөөсөө асуулаа.

Жавхлан - Хайрлаж болохгүй хайр

Зүсрэх бороотой анх дүрийг чинь харчихаад
Зүгээ мартан зүрхээ өгчихсөн байсан
Зөндөө зөндөө бодогдож явсан
Зөрж тааралдахгүй их удсан

Хайрлаж болохгүй хайр уу
Хагацаж болохгүй учирал уу
Харуусаж мэдэхгүй нулимс уу
Харамсаж болохгүй сэтгэл үү

Одтой шөнөөр анх дүрийг чинь зүүдэлчихээд
Онгодоо бадрааж уянгаар хөглөгдсөн байсан
Ориглуун хүслээр мөрөөдөж явсан
Олж уулзалгүй их л удсан

Хайрлаж болохгүй хайр уу
Хагацаж болохгүй учирал уу
Харуусаж мэдэхгүй нулимс уу
Харамсаж болохгүй сэтгэл үү

Хайрийн орчлонд анх чамдаа дуралчихаад
Хаачихаа мэдэхгүй сэтгэл алдарсан байсан
Хичнээн хичнээн бодогдож явсаар
Хэлж зүрхлэхгүй их л удсан

Хайрлаж болохгүй хайр уу
Хагацаж болохгүй учирал уу
Харуусаж мэдэхгүй нулимс уу
Харамсаж болохгүй сэтгэл үү

Нэгэнт дууны талаар ярьсаных бас жаахан хадуурахаар шийдлээ. Манай монголын зохиолын, нийтийн дууны үг нь заримдаа их инээдтэй юм аа. Монголчууд бид угаасаа наргианч хүмүүс юм болохоор ямар ч юмыг ийш тийш нь мушгиж гуйвуулахдаа гарамгай.

Сонгуулийн дараа Төрийн албан хаагч дуулж байна:
Одоо ингээд халагдана гэхээр...

Цаг уурын албаны сүлд дуу:
Хавар нь ороогүй бороо
Намартаа яагаад шаагина вэ

Биеэ үнэлэгч бүсгүйн дуунаас:
Ямар сайхан хүмүүсийг бурхан надад илгээснийг
Ялгуун сарны дор үгээр хэлэхийн аргагүй ээ

Хоёр орны харилцаанд сэв суулгах дуу:
Наран улсын бөхийн дэвжээг хотолзуулсан
Нарлаг Монголын хүчтэнүүдийг дагуулсан

Паарны ойролцоо унтсан хүний дуу:
Зүүрмэглэх нойрондоо би чамайгаа
Наран болгон гийгүүлэв ээ
Зүйрлэшгvй илчинд чинь би өөрөө
Навчис болон дэлгэрэв ээ хө

Сарын тэмдгээ хүлээсэн бүсгүйн дуу:
Уулзалгүй удвал уйтгарладаг
Уулзвал хэдэн өдрөөр баяртай явдаг

Мини юбкатай хүүхний дуу:
Учиртайхан харц намайг дагана

Зоонтоггүй хүний дуу:
Хавар намрын бороо нь хүртэл
Хацар хацрыг минь норгоод л байна

Нусны алчуур, салфеткагүй хүний дуу:
Миний нулимсыг салхи л арчина

Шуналтай хүний дуу:
Тэвэр дүүрэн цэцэг өгч сэтгэл гаргах сайхан байдаг ч
Багадах биш үү
Тэнгисээр хамтдаа аялна гэж амлалт өгөх өчнөөн гайхам ч
Дутуу биш үү

Дүлий хүний дуу:
Итгэж надад хэлсэн vгийг чинь
Сонсоогvйдээ би буруутай

Амиа хорлож байгаа хүний сүүлчийн үг:
Амьдралаа, амьдрал аа би чамд хайртай

Занаж хорссон хүний дуу:
Орхиод л гарсан тэр л чинь дүр чинь ээ
Ой тойнд мэт хоногшоод байна даа хө

Гозон хүний дуу:
Зулзган цагаан хус минь ээ хө
Зулай шүргэм ганхана аа хө

Заргач хүний дуу:
Намайг чамд дурласан гэж хэн хэлсэн бэ

Тураалтай хүний дуу:
Дэр хуваах тавиланд сөгдөөд
Дэрсхэн биеэ чамдаа зориулъя даа

Өөрийн толгойгүй хүний дуу:
Чиний аясаар би хөтлөгдөх дуртай
Чиний аясаар би хөглөгдөх дуртай

Дээвэр нь цоорхой сургуульд сурдаг оюутны дуу:
Үүл нь хүртэл дуулж байдаг даруухан харш минь миний сургууль

Эрүүлжүүлэхэд хоносон хүний дуу:
Цэнгэлийн дарсанд хөлчүүхэн явахад минь
Цэнгийн нүүдэлтэй алсхан одсон

Орон гаран хүний дуу:
Ууган үрээ үнэрлэсээр
Инээсэн байтлаа уйлах юм аа

Үерт автангаа алдсан хүний дуу:
Дэргэд шивнэсэн горхи намайг орхиж холдоход
Дагаад гүймээр урсгал нь санаанд минь хоцорно оо

Өлсгөлөн хүний дуу
Ээжийн бор аяга харагдаад байна аа

Гадаад паспортгүй хүний дуу
Зөвхөн Монголдоо харлаа.

Хадам ээждээ уурласан бэрийн дуу
Ээжийг минь яаж гүйцэх вэ дээ...

Чөтгөртэй дуу:
Гил хар шөнийн зүүдэнд
Цал буурал үстэй ирэв үү

Фосфортой дуу:
Голын хайртай амраг минь
Шөнөдөө гэрэлтэм царайлаг даа

Шөнийн секстээ ханамж аваагүй хүний дуу
Үүр битий цайгаасай
Өглөө битий болоосой
Өөрийнхөөрөө би чамайг
Хайрлая би хайрлая

Хиймэл сормуус хийлгэсэн хүүхний дуу
Аялан дуулах чиний минь хоолойтой
Адилхан өнгөөр уянгалан ганганаад
Ариухан чиний минь сормуус шиг дэвээд
Аглаг тал дээгүүр шувууд буцлаа

Тал газар төөрсөн хүний дуу
Үүрийн цагаан туяа юу
Амар сайхан тал байна
Үерийн усны шаагиа юу
Амуу тарианы шаагиа байна

Сөлөр нүдтэй хүний дуу
Уул, үүл нь нийлэн харагдах
Умрын цэнхэр хангай минь ээ хө

Орон гаран хүний дуу
Ууган үрээ үнэрлэсээр
Инээсэн байтлаа уйлах юм аа.

Чөтгөртэй нөхцсөн хүний дуу
Хэн нэг нь надад шивнэх шиг
Хэрэгтэй үгийг тэр л надад хэлэх шиг
Хэн юм бэ хэн юм бэ хэн юм бэ хэн юм бэ чи
Холын холоос намайг дагуулах
Хонгор амраг минь чи хэн юм бэ

Чөтгөртэй дуу
Чагнаад байх нь ээ аялгуу түрээд
Чанх дэргэд хүүхэд уйлах юмаа

ТВ чат руу мэссеж бичдэг хүний дуу
Утасны минь дугаар
Уруул дээр минь байдаг

Ганц хувцастай хүний дуу
Хуучраагүй жинс...
It's me blue jeans На нана нана

Анх секс хийж үзсэн бүсгүйн дуу
Цэнгэлийн шөнүүдээс өөрийгөө харамлаж
Цэцэг шиг өвөрөө чамдаа дэлгэсэн

За энэ мэтээр цааш нь үргэлжлүүлж болно.

ХОВДОГ

За шинэ жил ойртоод гоё байна аа. Гадуур энд тэндгүй сүлд мод, чимэглэл.... Зурагтаар зул сар, шинэ жилийн сэдэвтэй кино үзүүлээд л... 11 хоногийн дараа шинэ он гарах нь ээ.

... Сүүлийн үед би хоолны мангас болж байна аа. Өмнө нь жаахан өлсөж байсан ч гүрийдэг байлаа. Ялангуяа ажил амжихгүй үед юун хоол унд... "За дело" гээд л биеэ чилтэл суудаг байлаа. Гэтэл ойрын хэд хоногоос эхлээд өлсөхийг тэсэж чадахаа болиж байна аа. Би одоо хэдэн кг байгаа бол? Жингээ нэг үзэх юм сан. Өчигдөр орой ээж намайг нэг анзаарч хараад: Миний хүү ойрдоо хоолондоо сайжираад, хоёр хацар чинь наашлаад овоо хүн шиг харагдаж байна" гэж хэлж байна. Хаха.. Өмнө нвь юу шиг харагддаг байсан юм бол? Зиак, энэ темпээ алдахгүй хооллоод байх юм бол богино хугацаанд жин нэмэх байхаа. Над шиг чөргөрдүү хүн жаахан жин нэмэх юм бол уг нь зүгээр юм байгаа. Гэхдээ хэт их тарган болчихвол яанаа гэсэн нэг битүүхэн айдастай аа. Гүзээ суучих юм бол... Ааа баба. Гэхдээ би ч гүзээ суутал бүдүүртэл хаа ч байсан юм. Дөнгөж л жаахан жин нэмж эхлэж байхад...

Халтуурын машинд бойкот зарлая.

Одоогоос нэлээн хэдэн хоногийн өмнө гэрийнхээ гаднаас ажил руугаа таксидав. Зорисон газраа ирээд буух болоход таксиний жолооч хамаагүй их мөнгө надаас нэхдэг юм байна. Би гайхлаа. Яагаад ингэдэг билээ гэж асуутал өнөө жолооч "Би санаанаасаа зохиосон биш. Энэ тоолуурын заалт л ингэж гарч байна шүү дээ." гэж хэнэггүй хэлж байна. Тэгэхээр би "Үгүй шүү найз аа. Ийм шудрага бус байж болохгүй. Би өглөө болгон таксиддаг. Хэдэн төгрөг гардагийг нь би сайн мэднэ. Наад тоолуур чинь НО-той юм байна." гэчихээд таарсан мөнгийг нь өгөөд буучихсан. Нэг үе хаа сайгүй л сүлжилдээд байсан золбин шар хочтой таксинууд цөөрчихжээ. Ийм тийш явахад голдуу л халтуурын хөнгөн тэрэг таардагийн. Тэгсэн чинь тоолууртай такси бас мэр сэр байгааг тэгэхэд л мэдэж авлаа. Машин унаа гэснээс шатахууны үнэ өчигдрөөс 200 төгрөгөөр буурсан юм байна. Одоо ихэнхи шатахуун түгээх станцууд АИ-92 бензинийг 1190, ДТ-1440 төгрөгөөр борлуулж байна. Оросууд экспортоор гаргаж байгаа нефтийн бүтээгдэхүүнийхээ үнийг бууруулснаар Монгол Улсад импортоор орж ирэх шатахууны үнэ дахин бууж байгаа хэрэг. За тэгвэл одоо арай глобал юм ярья. Дэлхийн зах зээл дээр 2008 оны 7-р сард нэг баррель газрын тос 140 доллар хүрч олон хүнийг цус харвуулахаа шахсан. Харин одоо хар алтны үнэ тогтмол буурч байна. Энэ долоо хоногт Нью-Йоркийн түүхий эдийн бирж ( NYMEX ) дээр газрын тосны үнэ 50 доллароос хэтэрсэнгүй. Өчигдөр буюу 12 сарын 17 нд Алжир улсад газрын тос олборлогч, нийлүүлэгч улсуудын байгуулага ОПЕК-ийн гишүүн орны төлөөлөгчид уулзав. Газрын тосны үнэ огцом өсөж байснаа навс уналаа. Үнэ ханшыг өсгөхийн тулд олборлолтоо бууруулая гэж шийдвэр гаргажээ. 2008 оны 9 сард олборлосон газрын тосны хэмжээтэй харьцуулах юм бол өдөрт 2,2 сая баррель газрын тос бага олборлох болж. Энэ тухай илүү дэлгэрэнгүй мэдээг уншихыг хүсвэл энд байна. 2,2 сая баррель гэдэг бол их их тоо. ОПЕК гишүүн орнууд өмнө нь хэзээ ч олборлолтоо ингэж огцом багасгаж байгаагүй юм гэнэ. Олборлолтоо багасгаад ирэхээр үнэ нь аяндаа өснө гэж тэд тооцоолжээ. ОПЕК-ийн гишүүн биш боловч, газрын тосны баялаг нөөцтэй бусад олборлолт хийдэг орнуудад хандан бидний жишигийг дагаарай гэж тэд уриалсан байх юм. Нефтийн акулууд олборлолтоо багасгах юм бол үнэ нь эргээд жаахан өсөх л байх. Гэхдээ өнгөрсөн 7 сарынх шиг нэг баррель нь 140 доллар хүрэхгүй биз гэж найдахаас. За харин одоо тив дэлхийн глобал яриагаа хаяад эргээд Улаанбаатартаа газардая. Монголд бензиний үнэ бодитойгоор буураад байхад энэ халтуурын хэдэн жолооч нар бас үнэ хөлсөө бууруулмаар юм. Одоо нэг км нь 500 байгаа. Бензиний үнэ даруй 200 төгрөгөөр буураад байхад халтуурын тэрэг, таксинууд нэг км зам туулахдаа 350 аас 400 төгрөг болгож бууруулж болмоор доо.

Бэлэг

Өнгөрсөн төрсөн өдрөөр энэ зургийг дунд сургуульд нэг ширээнд суудаг байсан сайн найз маань бэлэглэсэн юм. Одоо л дөнгөж блогтоо оруулж байна.

Өнөөдөрийн программ

Өнөөдөр өглөө 9.40-д сэрлээ. P: MNED ах ажилаасаа хоцорцоон... Уг нь өчигдөр орой орондоо орохын өмнө 7.00 цагт босно гэж төлөвлөсөн юм. Сэрүүлэг дуугарахад нь мэдэлгүй нам унтсан. Эсвэл гэрийнхэнээс хэн нэгэн нь сэрүүлэг дуугарахаар нь унтаачихсан байх. Сэрмэгцээ баларсаан гэж бодсоноо төдөлгүй дорхноо тайвширлаа. Нэгэнт л хоцорсон юм чинь хоцорсон шиг хоцорно оо гэж шийдлээ. Хамтран зүтгэгчид рүүгээ утасдаж "Би оройтож очно. Гадуур хөөцөлдөх ажилтай шүү. Та нартаа найдлаа шүү" гээд бүлтэрлээ. Бага үд болж байхад гэрээсээ гарахдаа халаасандаа зургийн аппаратаа хийчлээ. Сүхээ ахын талбай дээр ёолк засаж байгааг бүтэн сайн өдөр харсан юм. Ямархуу болж харъя гэж бодов. Шинэ жил хамгийн гоё баяруудын нэг. Хүүхэд байхад догдлоод, хоног тоолон хүлээдэг байж билээ. Сүхээ ахын талбай дээгүүр алхсан чинь сүлд модоо засаж чимэглэх ажил дуусаагүй байгаа бололтой. Хиймэл модыг тойруулаад хашлага бариад дуусаж байв. Хажууханд нь нэг микро, бас ачааны жижиг тэрэг зогсож байна лээ. Чимэг зүүлт, гэрэл чийдэнг нь хаа нэг газраас зөөж авч ирсэн бололтой юм.
Сүхээ ахын талбайгаар хөндлөн гараад цааш явсаар ажил дээрээ очлоо. Миний хамтран зүтгэгчид итгэл даах сайн хүмүүс шүү. Ашгүй хамаг ажлаа бараг амжуулчихсан байна. Тэгэхээр нь давраад би үсчин явлаа гэлээ. Сүүлийн жил гаран нэг үсчин залуугийн гарыг толгойдоо хүргэж байгаа юм. Ер нь үсээ засуулчихаар толгой ч хөнгөрөөд, сэтгэл санаа ч гэсэн нэг л өөдрөг болоод байх шиг санагддаг юм. Ялангуяа бас өөрөө биш, хэн нэгэн өөр хүнээр үсээ угаалгахаар толгойд хуримтлагдсан хамаг стрессийг хуу хамаад аваад хаяж байгаа юм шиг... Өнөө үсчин залуугийн гар зөөлөн ч гэж жигтэйхэн хэхэ... (За одоо дэмийрч эхэллээ. P:) Орой нь манай нэг хамаатныхаа төрсөн өдөрт нь очсоноор өнөөдрийн программ дууслаа.

Зангиа

Жованнигийн өрөө. Ромео+ Ромео

Америкийн зохиолч Жеймс Болдуины "Жованнигийн тасалгаа" романыг уншиж дуусгав. Номын товч танилцуулгад нь "Америкийн хэд хэдэн үеийн уншигчдийг байлдан дагуулсан бүтээл" гэж магтжээ. Жеймс Болдуин 1924 оны 8 сарын 2 нд Нью-Йорк хотод мэндэлсэн. "Өөр орон" 1962, "Галт тэрэг түрүүн явсан уу?" 1986, "Хэрвээ Билл Стрит ярьдаг байсан бол" 1974, "Өөрийн толгой дээр" 1979, "Гарлемын дөрвөл" 1987 гэх зэрэг зохиол бичжээ. Зохиолч амьдралынхаа ихэнхи хэсгийг Франц улсад өнгөрүүлсэн байна. Тэр 1978 онд Сен Поль де Ванс гэдэг жижигхэн хотод амьдарч байгаад нас баржээ. Жеймс Болдуин "Жованнигийн өрөө" романаараа дэлхийд танигджээ. Романы үйл явдал Парис хотод ХХ-р зууны 50 аад оны эхэн үеэр өрнөнө. Дэвид гэдэг америк залуу, Жованни гэдэг итали залуугийн хайр сэтгэлийн тухай романтик бас эмгэнэлтэй түүх. Уншаад дууссаны дараа нэг тийм хөнгөн гуниг сэтгэлд төрөөд...

Ирэх долоо хоногт халуун болно.

Өнгөрсөн оны 12 сарын дундуур АНУ-ын үл хөдлөх хөрөнгийн зах зээлээс үүдэж эхэлсэн хямрал дэвэн дэлхийгээр тойрч явсаар манай улсад хүрээд ирэх шиг боллоо. Америк, Европ, Азийн зарим орнуудын хөрөнгийн бирж дээр арилжаалж байгаа хувьцааны үнэ навс унаж байна гэж амтай болгон ярьж байлаа. Гэхдээ гадаадын орнуудын хөрөнгийн бирж дээр болж байгаа энэ үзэгдэлийг монголчууд сонсоод "Хямрал" болж байгаа гэнэ шүү гэж хий дэмий орилохоос өөр юм хийгээгүй юм. Дэлхий даяар хамарсан санхүүгийн хямрал ид гаарч хүчээ авч байсан 2008 оны зун Монголчууд сонгуулийн сурталчилгаа, ашигт малтмалын орлогоос иргэн бүр хүртэх 1 сая 500 мянган төгрөг, Оюу толгой, Тавантолгой гээд "гай дуудсан" эрдэс баялагийг хэний гарт өгөх вэ? гэж талцаж байлаа. Дэлхийн зах зээл дээр нэг баррель нефть 140 долларын босго давж, Монголд бензиний үнэ өсөж, УИХ-ын сонгуулийн дараа бүх барааны үнэ ханш жигүүр ургасан юм шиг дээш хөөрч байлаа. Дэлхийн санхүүгийн хямралын "вирус" Монголд орж ирсэн анхны дохио нь долларын ханшын хэлбэлзэлээр илэрсэн юм. 12 сарын эхний долоо хоногийн сүүлээр 1 америк доллар 1300 төгрөг хүрсэн нь олон хүний голыг харлуулах шиг болов. Монгол Улс долларын нөөцгүй болж. Ингээд л долларын эрэлт зах зээлд ихсэж ханш нь өсөж байна. Долларын ханш удахгүй 1500 хүрэх юм байх гэсэн таамаглал, цуурхал зарим хүний амнаас унаж байлаа. Өдөр тутмын сонин дээр "Нэг Вашингтон гуай хоёр Чингисийг залгих нь" гэсэн гарчиг ч үзэгдэв. (1 америк доллар 2000 төгрөгийн ханштай болно гэсэн санаа. 1 долларын дэвсгэрт дээр АНУ ын анхны ерөнхийлөгч Жорж Вашингтоны хөрөг байдаг.)
Хямрал Монголчуудын хоолой дээр тулаад ирсэн өөр нэг дохио нь Анод банк дампуурах нь гэсэн мэдээлэл. Долларын ханш 2000 хүрнэ гэдэг нь хэсэг бүлэг хүний таамаглал, цуурхал төдий зүйл байсан бол харин АНОД банк амьсгал хурааж болзошгүй гэдэг нь бодит байдал.
Саяханыг хүртэл Ерөнхий сайд, Монгол банкны захирал ээлж дарааллан "Монголын банкны салбарт бүх юм OK байгаа. Битгий муу ёрлож, билэг дэмбэрэлгүй юм бичээд бай" гэж сэтгүүчдэд захиж байв. Энэ үед Монголын арилжааны банкнууд иргэдэд зээлээ олгохоо зогсоож, харин манай банкинд мөнгөө хадгал гэж гуйж байв. Хадгаламжийн хүүгээ нэмж, хадгаламж эзэмшигчдийн дунд сугалаа гаргаж азтан тодруулна гэх мэт реклам цацав. Үзэгчгүй шахам болоод байгаа хошин урлагийн жүжигчид азтай үзэгч тодруулдаг. Бас орлогоо нэмэгдүүлэх гэж ядаж байгаа шар бор сониний редакц азтан тодруулдаг байлаа. Тэгвэл банкны салбарт "Азтай харилцагч" тодрох гэж байгаа нь байдал нэг л эрүүл биш байгааг хэлээд байлаа. Асуудал яаж ч эргэж мэдэхээр байгааг гадарласан хүмүүс банкны төмөр сейнээс хэдэн халтар мөнгөө эргүүлэн авч, гудсан дороо хийх нь найдвартай гэж тооцоолжээ. Ингээд хэдхэн хоногийн дотор арилжааны банкны агуулах нь хоосорч ханхайгаад дотор нь ажилладаг хүний дуу хоолой цуурайтаад эвгүй юм болов. Энэ үед арилжааны банкны хадгаламж эзэмшигчдэд төрөөс баталгаа гаргаж байна гэж Засгийн газар ам бардам дуугарлаа. Энгийн үгээр хэлэх юм бол арилжааны банк дампуурсан ч хадгаламж эзэмшигчид
хохирохгүй. Төрөөс мөнгөө олж авна гэсэн санаа.
12 сарын 10 нд Монголбанк өөрийн бүрэн эрхэт төлөөлөгчөө Анод банк руу илгээжээ. Арилжааны банк руу Монголбанк өөрийн хүнээ явуулж удирдах эрхийг нь авсан нь байдал эгзэгтэй болчихжээ гэдэг хардлага, сэрдлэгийг улам бүр лавшируулж байна. Хэрвээ АНОД банк хэвийн ажиллаж байсан бол Монголбанкны элч төлөөлөгч тийшээ очихгүй нь ойлгомжтой.
12 сарын 11 нд санхүүгийн зохицуулах хорооны улсын байцаагчийн шийдвэрээр “Анод” ХК-ны хувьцааний арилжааг хөрөнгийн зах зээл дээр түр хугацаагаар зогсоов. Анод банк аврагдах уу, дампуурах уу гэдэг нь ирэх долоо хоногийн даваа гарагт та бидэнд тодорхой болно. АНОД банкны хадгаламж эзэмшигчид түргэн авч очтол тус банк хаалган дээрээ "Манай банк дампуурсан ч хадлагамж эзэмшигчдэд төр баталгаа гаргаж, иргэдийг хохиролгүй болгоно" гэсэн утгатай бичиг наажээ. Энэ нь амьдралынхаа сүүлийн мөчийг хүлээж байгаа хүний гэрээслэлтэй яг адилхан санагдав. Хэрвээ энэ арилжааны банк дампуурчих юм бол бусад арилжааны банкууд ч гинжин урвал шиг ээлж ээлжээрээ үүд хаалгаа барьж мэднэ. Монголын банк, санхүүгийн салбар ганхаад ирвэл манай улсын эдийн засаг, хүн амын амьжиргааны түвшин их баргар байдлаар төсөөлөгдөж байна. Ядаж байхад улсын төсвийн ихэнхи хэсгийг бүрдүүлдэг зэсийн үнэ дэлхийн зах зээл дээр навс уначихсан байгаа. Зэсийн үнэ 8000 доллар байснаа гэнэт л агаарын даралт хэлбэлзээд уначихдаг шиг доошилж одоо дундажаар 3000 доллар орчимд дэнжигнэж байна. Монголд доллар, юаний ханш өсөж байгаа нь төгрөгийн худалдан авах чадварыг бууруулна. Монголчууд хүнсний бүтээгдэхүүний 70 хувийг гадаадаас авдаг. Харин ахуйн хэрэглээний бараагаа 100 хувь хилийн чанадаас зөөж байна. Өмсөж зүүх хувцаснаасаа эхлээд зажилдаг бохь, хүлхдэг чихэрийг хүртэл гаднаас авч байгаа улс шүү дээ. 2009 оны Монгол улсын төсөв алдагдалтай батлагдсан. Олон хүний арааны шүлсийг асгаруулж, нүдний хор орсон "Таван толгой", "Оюутолгой" орд газраас хувь хүртэх, 1 сая 500 мянган төгрөгийг 2 сая хүнд тарааж өгөх тухай асуудал ч эргэлзээтэй. Мөнгийг сая саяар нь тараах үед ганц талхны үнэ хэд болчихсон байх бол?
Гадаа цас орж хүйтний эрч чангарч байгаа ч ирэх долоо хоногт Монголын нийгмийн хувьд "халуухан" байх болно. Хүнээр бол сэхээнд орж амьсгалын аппарат зүүчихсэн байгаа АНОД-ын хувь заяа нэг тийш шийдэгдэхтэй зэрэгцээд ерөнхий боловсролын сургуулийн багш нар ажил хаялтаа эхэлнэ.
АНОД банк битгий дампуураасай. Багш нар засгийн газартай зөвшилцөж бяцхан дүү нар хичээлдээ яваасай. Бүх асуудал сайн сайхнаар шийдэгдээсэй.

Хулганы төрсөн өдөр

Өнөөдөр хулганы төрсөн өдөр гэнээ. Компьютерийн хулганыг америкийн зохион бүтээгч Дуглас Энгельбарт тэргүүтэй хүмүүс 1964 онд хийжээ. Харин 1968 оны 12 сарын 9 нд Сан Франциско хотод болсон эрдэм шинжилгээний хурал дээр Дуглас олон нийтэд хулганаа танилцуулжээ. Иймээс 12 сарын 9-ний өдрийг компьютерийн төрсөн өдөр гэж тооцдог болсон байна. Хулгана зохион бүтээхэд Билл Инглиш гэдэг инженер их чухал үүрэг гүйцэтгэжээ. Хамгийн анхны компьютерийн хулгана нь модон гадаргуутай ердөө ганцхан товчлуур, дороо хоёр дугуйтай байв. 1970 оноос Билл XEROX компанид шилжин ажиллаж шариктай хулгана бүтээх ажилд оролцсон байна. Компьютерийн хулгана цаашид хэрхэн хувьсаж өөрчлөгдсөнийг доор сийрүүлж бичлээ.

1974 – Хулгана хоёр товчлууртай болжээ.

1981 – Компьютерийн хулганыг их хэмжээгээр үйлдвэрлэж эхэлжээ.

1984 – Утасгүй хулгана зохион бүтээжээ.

1999 – Хивсэнцэр шаардахгүй оптик хулгана бий болжээ.

2004 –Ямар гадаргуу дээр чөлөөтэй ажилладаг хулгана зохион бүтээжээ.

2008 оны 12 сарын байдлаар Logitech компани 1тэрбум ширхэг хулгана үйлдвэрлэсэн гэж мэдээлжээ.

Microsoft компани Windows үйлдэлийн системийг нэвтрүүлсэнээр хулгана компьютерийн салшгүй нэг хэсэг болсон байна. 2008 онд 40 нас хүрсэн компьютерийн хулгана тэтгэвэрт гарах дөхөж байгаа бололтой. Түүний оронд өөр шинэ технологи 10 аад жилийн дараа хэрэглээнд нэвтрэх юм байна.