Хотын гудамжинд шөнө болдоггүй

Сүүлийн хэдэн өдрийн турш Улаанбаатар хотод цаг агаар халуун, бүгчим хэцүү байна аа. +35 хэм гэдэг тоглоом бишээ. Ядаж байхад эх газрын хуурай, эрс тэс уур амьсгал... Өдрийн цагаар бол онц шаардлагагүй бол гадуур явахын ч хэрэг алга. Харин шөнө сайхан байна шүү. Өчигдөр "Их Монгол"-д очиж str8 найзуудтайгаа уулзлаа. Найзууд "Соёмбо" водка тулгаж, шар айргаар даруулж уугаад. Харин би алкаголь хэрэглэж болохгүй тул мөстэй цэвэр ус хэдийг ч уучив даа. Хажууд хүмүүс ууж, дотороосоо градус нэмээд, би хажууд нь цэвэр ус балгаад суух үнэн тэнэг байдаг юм байна лээ. Их Монголоос гараад хажуугийнх нь спорт баранд хальт орлоо. Олон хүн бужигнасан саун шиг халуун газар байлаа. Дараа нь 50-р дэлгүүрийн гадаа хэсэг суулаа. Хэхэ. Хотын гудамжинд шөнө болдоггүй гэж үнэн юмаа. Шөнө 2 цаг болж байхад төв зам түгжирсэн байна лээ. Хаан бууз мэтийн 24 цагийн хоолны газар ч пиг дүүрэн хүнтэй байхыг харав. Хотын гудамжинд үнэсэлцээд зогсож байгаа залуу хосыг харлаа. Бие биенээ идэх нь ээ. хэхэ. 1-р төрөхийн гадуур явсан чинь эхнэрээ төрөхийг хүлээж байгаа сэтгэл нь догдолсон залуу аав, ар гэрийнх нь хүмүүс цагаа хараад зогсож байхын. Шөнө хөлбөмбөгийн тоглолт үзэж байгаа харьж яваа балиашигуудтай зам нийлээд гэрийн зүг гэлдэрчив. За Улаанбаатарын нэг шөнө иймэрхүү. Шөнө 4 цагт гэртээ ирээд нам унтаад сая л сэрлээ.

Зарлаагүй шүлгийн уралдаан

Хайр сэтгэл хаалга тогшив гэж блогоо нэрлэсэн яруу найрагч Б.Батзаяа "Их сургуулийн гудамж" гэдэг шүлэг бичсэн байна. Хүмүүс сэтгэгдэл үлдээхийн оронд өөрсдийн зохиосон 4 мөртөө бичиж үлдээсэн байна лээ. Би ч гэсэн яаж дутах вэ? Хэхэ. Миний бичсэн 4 мөрт энд доор нь байгаа шүү.
Батзаяа зарлаагүй шүлгийн уралдааны шүүгч нь боллоо доо.

ИХ СУРГУУЛИЙН ГУДАМЖ

Их сургуулийн гудамжинд
Нэг эмгэн тамхи зарж суух нь
Инээд, бас хөгжил дэвшлийн дунд
Дусал нулимс бөртөлзөх шиг, эсвэл,
Ганц хуучин хийл гэнгэнэх шиг санагдана
Их сургуулийн гудамж
Нас ахих тусам уйтгараар дүүрээд
Эндхийн хүмүүс улам бүр залуужих шиг бодогдоод
Их сургуулийн гудамжинд цас хаялах уйтгартай
Бороо асгасан ч гунигтай
Охидын инээх нь тавлах мэт сонсогдоод
Ойрхон өнгөрөх ч дургүй болсон би.
Их сургуулийн гудамжинд тамхи зардаг
Эмгэн хүртэл ахиж үзэгдэхээ больсон...
Хэнийг ч анзаардаггүй, хэрцгий
Их сургуулийн гудамж Б.Батзаяа

Frank said...

Их сургуулийн гудамж
Ихэрхүү бас эргүүдүү хүмүүсийн гудамж
Сэхээтэн төрүүлэх бус
Сэхээрэхгүй төөрүүлэх газар...

БОРОО said...Их сургуулийн гудамжинд
Идэр нас минь өнгөрсөн
Ихэмсэг бардам
Инээмсэг ялдам охидууд
Энд тэндгүй
Эрээн мяраан, цог золбоо
Хаа сайгүй

Их сургуулийн гудамжинд
Ирж болно, явж болдоггүй
Хоргодоод байдаг
Хонгор түүнийгээ би анх харсан
Санагдаад байдаг
Сайхан түүнтэйгээ анх учирсан
Их сургуулийн гудамж
Миний дурлалын гудамж байсан

yes yes Boroo

June 22, 2010

Идо said...

Их сургуулийн гудамжинд
Инээд баяр гуниг хөглөрсөн
Замаар нэг хуучин дурсамжууд
Залуу насны гэрэлт өдрүүд
Эргээд бодно алхаж байсан хамт
Энд одоо ч түүний шаахай товших шиг
Хаа нэг ганц шар навч
Хаачихаа мэдэхгүй надшиг эргэлдээд
Харин тэр улиас мод одоо ч залуу хэвээрээ
Маргааш бүгд эндээс нисэн одно
Манаач өвөө, цэнхэр мухлаг бас ногоон сандал
Мөнх настай гэдгийг хэн ч анзаарахүй...

MNED said...

Их сургуулийн гудамжинд
Их олон удаа би алхсан
Инээд хөөр дүүрэн байдаг
Энэ л гудамжаар би дүнсийж явдаг

Сэтгэл рүү шагайгч Түүнд

Манхэтенны дээр
Манхайгч сар
Чих дөжрөм чимээн дээр
Нам гүм.
2006.11.02 New-York city Г.А


Миний л нэрийг дуудсаар
Чиний уруулын хэлбэр
Залбиралдаа нимгэрсэн...
Намайг эзгүйд цайсан үсээ
Сэмхэн түүж үлээсээр
Гэзэг чинь шингэрсэн...
Гунигтай шүлэг тэрлээд л
Жаргалтай болчихдог шигээ
Азтйа гэрлээд л
Үүр нам унтдаг сан бол
Зүрх минь даанч нойргүй
Үүд балбах мэт цохилно
Зүүдэн дотроос чи
Нэрээр минь дуудаж сэрээнэ.
2007.09.09 Cincinatti
2007.10.13 Iowa City Г.А

Эль хуль дэлгүүр...Миний сонголт: Сэтгэл рүү шагайгч Түүнд

Хэд хоногийн өмнө Улаанбаатар их дэлгүүрээр орлоо. Дотор засал нь их аятайхан юм. Гэхдээ эль хуль. Үйлчлүүлэгчгүй болохоор худалдагч нар нь хуруу хумсаа засаж, хэн нэгэн рүү мэссэж явуулж цагийг бардаг юм шиг санагдав. Цахилгаан шатаар дээд давхарт нь гарлаа. Саруул том танхим. Гэхдээ хов хоосон. Талбайгаа түрээслүүлдэг байж таараа. Түрээс нь хэт өндөр ч юм уу, эсвэл худалдан авагч цөөнтэй тул талбай түрээслээд бизнесээ явуулах сонирхолтой хүн одоогоор гараагүй юм шиг. Дээд давхарын танхим нь хоосон шахуу. Хамгийн эцсийн буланд нь номын тасаг байна. Энэ давхарт нь өөр юу ч алга. Босго давж орлоо. Миний алхах чимээнээс өөр амьд хүн байгаа шинж алга. Гэтэл хэдэн минутын дараа миний хөлийн чимээгээр худалдагч нь цаад булангаасаа гарч ирэв. Би ном үзэж лангуу, тавиур тойрч алхав. Нэг анзаарсан чинь худалдагч бүсгүй надаас нэлээн зайдуухан зогсож миний араас тасралтгүй цоо ширтэж байна. Би гайхлаа. Хүн үзээгүй юмуу хаашаа юм. Эсвэл худалдан авагчгүй тул намайг ороод ирэхээр ашгүй нэг хүний бараа харлаа хэмээн дотороо баясаад байгаа юм болов уу? За бүүр муухайгаар бодоход ном шүүрч аваад гараад гүйчихнэ гэж санаа юм болов уу? Бүү мэд. Нэг л сонин. Интерномд эсвэл бидний нэрлэж заншсанаар УИД-ийн номын тасагт ороход худалдагч нар нь ингэдэггүй л юм даа. Яруу найрагч Аюурзана ахын "Сэтгэл рүү шагайгч түүнд" номыг худалдаж авлаа. Турк, Орос, Америкт байхдаа 2005-2008 оны хооронд бичсэн шүлгүүд нь байна.

Шар айраг минь баяртай

Төмөртэй найз болоод 21 хоног өнгөрлөө. Гэтэл өнөөх маань маш хатуу чанга болзол тулгаж байна. Хэрвээ чи надтай найз хэвээр үлдэе гэж байгаа бол Шар айраг, Хийжүүлсэн ундаа, Архинаас татгалз гэж байна. Угаасаа архи уудаггүй. Кола мэтийн хийжүүлсэн ундаад тийм ч дуртай биш. Харин шар айрагнаас татгалзах нь хэцүү санагдав. Гэхдээ үерхэлдээ үнэнч байна гэж андгай тангараг өргөсөн болохоор дуртай дургүй "ШАР АЙРАГ минь БАЯРТАЙ. Би чамайг санах л байх даа" гэж хэллээ. Хэзээ нэгэн өдөр шар айраг чамтай учирна даа.

Одоо тэгээд шар айраг уумаар санагдах юм бол блог руугаа орж зургийг нь нэг харчихаад шүлсээ гүд хийтэл нь залгиж байхаас...

PS. Надад бэлэн шар айрагны зураг байсангүй. REDCOURSE-ийн блогоос авлаа.

ТӨВ АЙМАГ

Стрингс орж шоудсан шөнө 03 цагийн үед гэртээ ирлээ. Ердөө гуравхан цаг унтаад өглөөний 6.30-д сэрэв. Энэ бол 6 сарын 13-ний ням гаригийн өглөө. Ингэж эртлэн боссон нь цаанаа учиртай. Улаанбаатарын алслагдсан дүүрэг Багахангайгаар дамжин өнгөрч Төв аймаг явсан юмаа. Багахангай гэдэг энэ дүүрэг ердөө хэдхэн угсармал байшин, тэгээд гарын таван хуруунд багтах гудамжтай гэр хороололоос бүрдсэн цомхон газар байна.Алтны нинжа хаа сайгүй байна аа. Газар сэндийлж ухаад аймшигийн нүх, сүв болгоод хаяжээ. Байгаль сүйдсэнийг хараад харамсав.Ээж хайрханд очиж мөргөөд хүслээ шивнээд ирсэн. Хүсэл биелүүлдэг гэдэг нь үнэн шүү. Би лав итгэдэг юм. Өмнө нь шивнэж гуйсан хүсэл минь биелсэн юм даг. Энэ удаа ч бас хүслээ хэлээд гуйгаад ирсэн. Тэр хавьд тэмээ унуулж бизнес хийж байгаа хүн байна. Нийслэл хүү MNED амьдралдаа анх удаа тэмээн дээр мордож үзлээ. Босож, хэвтэх нь эвгүй юмаа. Харин явдал нь бол янзийн сайхан эд байна лээ. Тэмээ унаж байгаа зурагаа оруулах гэснээ ичих булчирхай гэнэт ажиллаад болив.

Зургийн аппаратаараа бараг 200 орчим зураг дарлаа. Үзэж байгаад цөөн хэдийг нь орууллаа.Өглөө 8 цагт гэрээсэээ гарч үдэш 19 цагт УБ-даа эргэж ирлээ. Буцах замд машинд нойр хүрч хэсэг зүүрмэглэв. Урьд шөнө нь дутуу нойртой байсан болохоор аргагүй л дээ. Түм түжигнэж, стрессийн үүр уурхай болсон хотоос гарч нэг өдрийг сайхан өнгөрүүллээ.

ӨӨРИЙГӨӨ МЭДЭРСЭН НЬ

Түрүүчийн удаа "нэг хар юмтай үерхэж байгаа" гэж бичсэн чинь олон хүн чи BF-тэй болоо юу? гэж надаас асууж байна. Уг нь бол анхааралтай уншсан хүн хоромхон зуур л учрыг нь олж, хужрыг нь тунгаахаар л юм байгаан. Найз залуутай болсон юм уу гэж асуусан хүмүүст өгөх албан ёсны хариулт маань: "Өөрөө өөртөө л үнэнч яваад байгаа шүү дээ. Сүүдрээ дагуулаад сүр жавхлантайгаар алхаж байна оо".
Би хэр барагийн юмыг өөртөө хүндээр тусгаж авахаа ч больж. Романтик сэтгэлгээ ч надаас чимээгүйхэн яваад өгчихсөн юм шиг санагдлаа. Нэлээн хэдэн жилийн өмнө би маш "эмзэг цэцгийн дэлбээ" байжээ. Харин одоо бол хэр баргийн асуудлыг тоохоо больсоноо мэдэрлээ. Саяхан нэг блогчинтой хамт Стрингс орлоо. Сүүлийн 1 жил тэр газрын хаалгаар огт ороогүй юм. Чанга хөгжмийн нүргэлээн... Дотороо халаасан залуус, хүүхнүүд, хэдэн гадаадынхан бүжиглээд, хөгжилдөөд. Шөнийн 00.00 цаг дөхөх үед цагдаа нар ирж хөгжмийг нь унтраалгаад... Тэгээд цагдаа нар явмагц дахиад л хөгжим нүргэлж, залуус бүжиглээд... Амьдралын тойрог гэдэг үг юутай үнэн бэ? Нийгмийн амьдрал бол тойрог ороомог (сприраль) хэлбэрээр явагддаг гэсэн философийн нэг үзэл баримтлал байдаг даа. Л.Түдэв гуай ч энэ тухай "Эргүүлэгийн тухай эргэцүүлэл" гэсэн гарчигтай эссе бичсэн байдаг. Миний эртний ЭКС, нэгэн танилтай маань найзлаж байгааг мэдэв. Үүнд би огтхон ч эмзэглэсэнгүй. Харин ч энэ надад угаасаа хамаагүй гэсэн бодол төрсөн. Аль эртний явдал болохоор одоо ямар ч ач холбогдолгүй мэт санагдав. Харин ч эртний экс, нөгөө танилынхаа аль алинтай нь зүгээр л найзуудын хэмжээнд үлдсэн нь дээр гэсэн бодолтой байгаа. Сүүлийн үед Энхриймаагийн блогийг нэлээн анхааралтай уншив. "Энхриймаагаас өөр юу ч үгүй үлдсэн минь" гэсэн гарчигтай бичлэгийг уншлаа. Гей ертөнцөд мөнгөтэй хүн бурхан, мөнгөгүй бол хэн ч биш...Ихэнхдээ зугаа цэнгэлээр л амьдрал нь хэмжигддэг болсон учир түүнтэйгээ уялдаад мөнгөтэйгээ долоож, мөнгөгүйгээ нулмиад сурцан... Ингэж энэ бүхнийг, хүсэн хүлээж, догдолж, тэмүүлэн байж хаалгаар нь орсон амьдралынхаа, ертөнцийнхөө олон өнгийг бодитоор нь олж харсан би. Ийм хүмүүстэй дахин харилцаад яахуу дээ. Зүгээр л бүх зүйл утгагүй. Архидаж өнгөрүүлсэн өдрүүд, сарууд. Одоо надад юу байна гээд харлаа, бодлоо. Юу ч алга. Ажилгүй, халаас хоосон, дээр нь ядаж хувь хүнийхээ нэр төрийг ч бусдын уланд гишгүүлцэн...
гэж бичсэн нь миний анхаарлыг татав. Дараа нь доор нь хүмүүсийн үлдээсэн сэтгэгдэлийг гүйлгэж харлаа. Надад олон юм бодогдлоо. "Та хариулахгүй ч байж болно" гэдэг ярилцлагийн нэвтрүүлэг байдаг даа. Үүнтэй адил "Би бодлоо бичихгүй ч байж болно" гэж шийдлээ.
---------------------------------------------------------------------------------------------------------------------------------------
Хүний амьдралын хэмнэл хийж байгаа ажлаас нь их хамаарах юмаа. Уг нь ажил ихтэй, бужигнасан үймсэн олны дунд цаг хугацаатай уралдаж ажиллах гоё. Гэтэл миний одоо энэ хийж байгаа ажил нэг л алгуур юмаа. Эрхэлж байгаа ажлын хэмнэл удаан бол сэтгэл зүй хүртэл залхуу болчихдог юм шиг. Цаг товлосон ажилд бол юун алгуурлаж, хойш тавих. Одоогоос хэдхэн жилийн өмнө үүнийг би тэдэн цагаас өмнө хийж дуусгахгүй бол болохгүй гээд л ажлыг машиндаж өгдөг байлаа. Гэтэл одоо "за энэ ч яахав, тэгэж байгаад болно шд" гэх байдлаар ханддаг болчиж. Хэдэн жилийн өмнөх өнөө гялс ажлаа амжуулая гэсэн сэтгэлгээ маань алга болжээ гэдгийг сүүлийн үед улам их мэдэрч байна аа.
Эршүүгийн бичсэн I love you mom бичлэгийг уншлаа. Бас л олон юм бодлоо. Би муу хүү биш л дээ. Гэхдээ байгуулсан гавъяа одоохондоо алга байна. Аав, ээжийн бүүр сайн хүү нь болно оо гэж дотороо шивнэлээ.
PS: Баахан л эрээвэр хураавар юм биччих шиг боллоо.

Манай клубын залуус

Би нэг хар юмтай үерхэж байгаа. Үерхэлээ эхлүүлэх гэж байгаа гэдгээ блогоороо дамжуулж зарлаж байсан даа. Төмөртэй найзлаад багагүй хугацаа өнгөрлөө. Хүзүү, нуруу гөшөөд байсан нь оргүй ариллаа. Ажиллагаагүй байсан булчин шөрмөс хөдөлгөөнд ороод аятайхан л байна. Өчигдөр клубынхээ бүртгэлийн хуудсыг шортны халаасанд хийгээд гаргахаа мартаж. Шортоо угаалгын машинд хийгээд эргүүлээд, зад мушгиад хатаасан. Угаалын машин дотор жижигхэн цаасны үйрмэг гарч ирэхээр нь гайхаад. Сүүлд нь л учрыг нь оллоо шд. Би бас тэгэж ер нь бүтэлгүйтэхээрээ том том фактлах балай этгээд шүү. хэхэ. Өнөөдөр gym-ийнхээ багшид үнэнээ хэлж бүртгэлийн хуудас шинээр авсан. P :)
Манай клубынхэн гэж янзтай бие хаатай нөхдүүд байгаа. Булчин нь ойвойж товойгоод саак. Би дэргэд нь бол шинэков оо. Бариу майк өмссөн хүдэр залуучууд эргэн тойронд үү... аа... гэж дуу авай гаргаад том том гантел өргөөд л... Клубт миний очдог цаг хугацаатай яг давхцаад хэдэн нөхдүүд ирдэгийн. Эхний залууг Э гэдгийн. Э бол жаахан биетэй ч зааны хүчтэй, булчин шөрмөс нь зангирсан хүдэр бор залуу. Уураг ууж алдагдсан эрч хүчээ олж авдаг гэж байгаа. Намайг бас уураг уу гэж зөвлөөд байгаамаа. Э нэг өдөр ирэхдээ адууны засаа хөдөөнөөс захиж авчируулаад уулаа. Цул уураг гэж авч байна. Яриаг нь сонсож байсан Т гэдэг нөхөр засаа гэж юу вэ? гэж байна. Засаа гэж юу болохыг Э тайлбарласаны дараа Т: мэдэхгүй үгээр ярьж байгаар адууны үрийн шингэн л гэнэ биз гээд нүдээ онийлгоод инээж байна. Т гэж нөхөр барилдахаасаа таахалзах нь ихээ. Энд тэнд очиж хүмүүсийн хийж байгаа дасгалыг шинжээд л... Хүний хийж байгаа дасгалыг хийж үзнэ. Ер нь бол хүн болгонтой танилцаад хэд гурван үг солиод л... Хаа газар нэг тийм сэргэлэн, бужигнуулдаг гар байдаг даа. Тэр бол яг тиймээ. Намайг хүртэл байцаагаад амжсан гэж байгаа. Яаж зүгээр байхав, тэр бас өөрийнхөө амьдралыг надад хүүрнэн өгүүлнэ. Би түүнийг цоо ширтэж байгаад л яриаг нь сонсоно. хэхэ. Хичээллэх хуваарь нь манийхтай нь давхцдаг өөр хэдэн нөхдүүд бий. Тэд бол ерөнхийдөө дуу шуу муутай. Илүүдэл жингээ хасахын хүсэл болсон хэдэн бүсгүйчүүд гүйлтийн замтай найзлана шүү дээ. Клубын хэдэн банди нар энэ хүүхний бие нь ийм тийм. Хүүе, чи битгий хүүхнүүд байгаа газар руу ойртоод бай гэж нэг нэгийгээ цаашлуулна. Надад бол энэ нь сонин биш. Хэхэ. GYM-д явдаг хэдэн залуугийн бие хаа, булчин л сэмхэн сэмхэн сканердаж хараад л...
Gym-д танил хэдэн найзууд явах юм бол бас нэг бодлыг их зүгээр юм шиг байгаан. Гурван найз хичээллэдэгийн. Бие биенээ дэмжээд, тэрүүхэн тэндээ хоорондоо мар мар хийж арзагнаад, дасгалаа хийхдээ хоорондоо өрсөлдөөд... зугаатай л байдаг бололтой дог. 9 сар хүртэл тасралтгүй төмөртэй найзлах юм бол ямархуу үр дүн гарахын бол.

Тог

Электрический ток гэдэг орос хэл хэллэг бий. ТОК гэдэг үгийг манайхан ТОГ гэж монголчилоод авсан гэж байгаа. РОЗЕТКА гэж үгийг бас Арзээтиг гэж монголчилсон доо. За тэгээд АРЗЭЭТИГ гуайд хамаагүй хүрвэл тогонд цохиулж хамаг бие АРЗАЙНА шүү дээ.
Хэл шинжлэлийн асуудал ч яамай. 6 сарын 4-нд миний хувьд бол тогны гачигдалд орсон өдөр байлаа. Өглөө ажил дээр ирсэн чинь ганцхан манай өрөөнд тог байдаггүй ээ. Тог байхгүй ч гэж дээ. Өрөөний чийдэн бол асаж байгаан. Харин арзээтигэнд тог байдаггүй. Уг нь өмнөх өдрийн орой нь зүв зүгээр л байсан юм. Өөрөө оролдох гэснээ болив. Намайг оролдож байтал хаа нэгтээ асуудалтай болсон цахилгааны утас нь салж нийлээд богино холболт үүсэж би тогонд цохиулж хамаг бие арзайх ч юм билүү гэж бодов. Аминдаа хайртай шүү хэхэ. Цахилгаанчин дуудаад ирдэггүй ээ. Хүнд бөгстэй шүү энэ хүмүүс.
Орой гэрт ирсэн чинь байрны тог тасардагийн. Тэгсэнээ тог ирлээ. Буцаад тасарлаа. Шөнө дунд болсон хойно тог ирлээ.

"яахаараа дандаа гоё залуучууд гомо байдаг байнаа"

Ижил хүйстнээ сонирхогдог хүмүүсийг зарим хүмүүс хүн бишээр үздэг. Ялангуяа монголчууд маань ийм хүмүүсийг бараг хүний ад мэтээр үздэг. Үнэхээр монголд гомо, лэсби нар амьдрахад их хэцүү байх гэж боддогийн. Одоохондоо Монголд нийгмийн хувьд хүлээн зөвшөөрөх цаг нь арай болоогүй ч байж болохын. Ямар сайндаа монголоос Европ руу цагаачлах гэсэн хүмүүс гомо гэж хэлж байж зөвшөөрөл авдаг гэж сонссон юм байна.

Миний хувьд энд зөндөө олон гомо болон лэсби хүмүүстэй хамт ажиллаж, сурч явсан бөгөөд миний хувьд ямар нэг муу дурсамж үлдээсэн хүн нэгээхэн байхгүй. Харин ч давгүй хүмүүс байдаг.

Миний анзаарснаар энд ихэнх гомо залуучууд царайлаг талдаа цэвэрхэн аятайхан залуучууд байдаг юм шиг санагдсан.

Дээр үед рестранд ажилдаг байх үед нэг удаа гаднаас наранд гоё борлосон биетэй, халзан толгойтой, биерхэг байрын, бас ч үгүй нилээн хичээллэдэг байрын булчинлаг залуу орж ирсийн. Манай хэдэн үйлчлэгч хүүхнүүд бүгдээрээ бие биенээ нудралцан "хардаа, хачин гоё залуу байна. Хаана суух нь вэ " энэ тэр хэмээн хоорондоо шивэр авир гэж байтал нөгөө залуу явсаар миний үйлчилдэг хэсэгт очиж суусан. Манай нэг Бразил хүүхэн над дээр ирээд "чи захиалгыг нь авчих найз нь захиалгыг нь хүргэж өгье. Чи тэртэй тэргүй нөхөртэй юм чинь" хэмээн бараг өвдөг сөгдөх нь ээ. Би тэгье л гэсэн мэдээж.

Нөгөө залуу дээр очсон уух юмаа захиалаад хүн хүлээж байгаа удахгүй ирнэ гэв. Би нөгөө хүүхэн дээр ирээд "хөөе хүн хүлээж байгаа гэнээ. Мэдээж найз хүүхэн нь биз." гэсэн манай хэдэн хүүхнүүд "ямар азтай хүүхэн байдаг бол харъя" болцгоов.

Нилээн хэдэн минутын дараа гаднаас туранхайвтар өндөр цагаан залуу орж ирэн нөгөө залуугийн дэргэд очиж үнсэлцээд зэрэгцэн суув. Манай хэдэн хүүхнүүд "яахаараа дандаа гоё залуучууд гомо байдаг байнаа" гэцгээн баахан л шүлсээ гоожуулаад хоцорсон доо. Мэдээж тэр 2 залуу хоол идсэний дараа их л халуун дотно гараа гараа барин юм ярьж сууж байгаад гарсан. Ямар ч байсан их эелдэг залуучууд байсан. Нэг архитэктч, нөгөөх нь элетроникийн мэрэгжилтэй гэж байсан.

Бас баярын өдрүүдээр манай рестран парти зохиодог байсан юм. Түүгээр 2 гомо залуу ирдэг ба тэр 2-ын ажил нь Drag Queen юм. Нэг нь цагаан нөгөөх нь хар залуучууд бөгөөд хамт амьдардаг хосууд гэсэн. Анх орж ирж байгааг нь харахад туранхай 2 залуу орж ирж байсан. Дараа нь хувцасаа өмсөөд гараад ирсэн ямар ч хүүхэн атаархмаар 2 хүүхэн болсон шүү.Би хүртэл харчихаад дуу алдсан гэж байгаан. Мини юбка, гэдэсээ гарсан топ өмссөн ба хөл гэж савх шиг тэгшхэн, бөгс энэ тэр гэж нээрээ байнаа. ккк

Өө тийм бас манай нэг сайн танидаг хүүхний ээж нь лэсби юм. Тэрээр 3 хүүхдийн эх бөгөөд хүүхдүүд нь бүгдээрээ авгай, нөхөртэй болоод үр хүүхэдтэй. Нэг ёсоор эмээ гэсэн үг. Үр хүүхэдтэй байхыг бодоход мэдээж урд нь эрэгтэй хүнтэй хамт амьдарч байсан юм шиг байгаа ийн. Хамгийн гайхалтай нь яагаад лэсби болсон юм бол гэж боддог. Эсвэл олон эрчүүдэд хууртаад тэгсэн юм бол уу ... за бүү мэд. Одоо Бианка гэдэг хүүхэнтэй хамт амьдардаг. Урд нь Андреа гэдэг хүүхэнтэй байсан ба тэрэнтэйгээ бүр хуримаа хийсэн юм. Тэгсэн Андреа нь аймаар хартай, зодож барьдаг байсан юм байх аа.

Нэг удаа манай танил хүүхэн манайд нөхөртэйгээ байж байгаад ээждээ юм хэлэх гээд манайхаас утасдсан юм. Нилээн хэдэн хоногийн дараа манай утас дугарсийн. Авсан " Би Андреа байна. Өөрөө хэн бэ" гэнэ. Эхлээд нөгөө Андреа гэж санаанд орохгүй яагаад гэхээр би түүнийг танидаггүй байсын. Гайхлаа. Нэрээ хэллээ. Чи манайх руу утасдсан байна гэхгүй юу би гайхад би утасдаагүй гэлээ. Тэр хооронд чинь олон юм бодож байгаа юм чинь. Нөхрөө юм бол уу гэж бодоод нөхрийнхөө нэрийг хэллээ тэгсэн бас танихгүй гэж байна. Дараа нь бодож олж байгаа байхгүй юу. Тэгээд танил хүүхэндээ хэлсэн чинь. Харин тиймээ аймаар хартай гээд инээж байсан. Удалгүй салсан гэсэн.

Ингээд харахад хүн л юм болохоор бусад шиг жаргал зовлон, хэрүүл маргаан, зөрчилдөөн, хайр дурлал гээд бүх л юм байдаг байгаа биз.

Мэдээллийн эх сурвалж http://spass.blog.banjig.net/

Mc Donald's

Түргэн хоолны Мак Дональдс сүлжээ ангийнханд зориулсан сурталчилгаа хийсэн тухай The Daily Telegraph бичжээ. Сурталчилгааг youtube-д байрлуулсаны дараа богино хугацаанд олон мянган хүн үзжээ. 1940 онд байгуулагдсан Мак Дональдс түргэн хоолны сүлжээ нь дэлхийн 120 оронд салбартай. PS: Улаанбаатар Макийн ганц салбар нээгдчихгүйн байх даа.

Дүү нартаа хүүхдийн баярын мэнд хүргэе.