Оюутны өдрийн хоол нэг иймэрхүү

Сургуулийнхаа хоолны газар орж үдийн хоол идэв. Манай сургуулийн цайны газрын хоол нэг иймэрхүү. Подносоо бариад өөрөө сонгоод авдаг юм. Би энэ удаа 1-р хоолонд нь шөл, 2-р хоолонд нь төмсний нухаш+шницель соустай авчлаа. Уух юм нь сок. Гурилан бүтээгдэхүүнд дуртай юм болохооро дотороо жимсний чанамалтай, нөгөө нь аарцтай боов. Нийлээд 132 рубль. Хямдхан байгаа биз. Ядуу  оюутны өдрийн хоол нэг иймэрхүү хэхэ.  За энэ хоол унд ч яамай. Өнгөрсөн бямба гаригт өвлийн амралтаараа монгол явах гэж байгаа хоёр оюутан хүүхэд тосож гэртээ нэг хонуулав. Нөгөө хоёроо тосох гээд онгоцны буудал дээр очлоо. Техникийн шалтгаанаар онгоц нь Москвад цагаасаа хоцорч   Онгоц хүлээж байх зуураа хийх юмаа олж ядаад баахан о нисэх буудлын хүлээлгийн залаар нь холхив. Аргаа бараад хүлээлгийн заалны сандал дээр нь куртикээ тавьж байгаад хэсэг унтаж  нүдний хороо гаргалаа. Шөнө дөл болсон хойно онгоц нь газардав. Нөгөө хоёроо аваад такси барих гэж баахан юм болов. Шөнө болсон тул такси нь үнэд ороод. 1000 рубль-ээс буухгүй. Ашгүй нэг Азарбайжан жолооч нисэх буудлаас манай гэр хүртэл 800 рубльд хүргэж өгч болно гэхээр нь суучлаа. Энд нээрээ тээврийн зардал, тэр тусмаа такси мангар үнэтэй шүү. Өнөө хоёр маань ч онгоцоо хүлээгээд бас баахан өлсөж ядарсан хүмүүс. Шөнө 3 цагт гэртээ ирээд хөргөгчинд байсан бэлэн банш чанаж өгч гэдэсийг нь наашлуулаад шөнө  4 цагт унтав. Өглөө нь 11 цагт өнөө хоёроо сэрээлээ. Сэрэхээс нь өмнө бас гоймонтой шөл хийчихсэн байсан юмаа. За тэгээд орой 19.40-д Монгол руу хөөрөх онгоцонд суулгах гэж өдрийн 14.30-д өнөө хоёроо дагуулаад гарлаа. Онгоцноос нь хоцроохгүйн тулд эрт гарсан ухаантай. Явсаар байгаад Шереметьево-ийн F терминал дээр очоод харсан манай МИАТ-ын онгоц бас цагаасаа хоцорно гэнээ. Берлинээс 18.40-д ирэх онгоц байдаггүй. Берлинд цас ороод нислэг саатсан юм байх. За нөгөө хоёроо ямар ч байсан онгоцоо ирэхээр нь суучихаарай гээд би гэртээ харилаа. Ашгүй таньдаг өөр хүн бас монгол руу явж байсан болохоор өнөө хоёроо захилаа. Сураг сонсохноо 19,40-д Монгол руу хөөрөх байсан онгоц шөнийн нэг цагт Москвагаас хөөрсөн сурагтай. Нисэхээс ирээд яагаа ч үгүй эрт орондоо ороод нам унтлаа шд.
За шинэ жил болох гээд байдаг.  Энэ жил шинэ оныг хэрхэн угтдаг юм билээ гээд л бодоод байна шд. Шинэ жилийн үеэр над руу Оросын өөр хотод байдаг нэг хуурай дүү маань ирэх гээд байдаг... За оюутны амьдрал нэг иймэрхүү. Эргээд оюутны амьдралынхаа хэмнэлд орсон чинь гого байна аа

Ням гариг

Ням гаригийн амралт. Аажуу уужуухан сэрээд өглөөний цайгаа уучихаад их угаалга хийлээ. Манай рүүммэйт маань зүүн европоос ирсэн нэг жаал байдаг юм. Би өглөө сэрчихээд л хажуугаар нь холхиод, аяга таваг харшуулаад байхад сэрэхгүй л унтаад байхын. Энэ ер нь шөнө хэдэн цагт унтсан юм бол оо? гэж дотороо бодов. Манай өрөөний хөршийн нойр нь солигдсон зовлонтой амьтан байнаа. Ноүтбүүкнийхээ хэдэн товчлуурын бүлтэрч унатал балбаад үүр цайхтай зэрэгцээд унтдаг болсон гэж надад хэлээд байсан юм.Тэр нь л үнэн бололтой.  За хөрш ч яахав. Өдрийн 11 цагт хүнсний дэлгүүр орж 7 хоног идэх хүнсээ цуглуулав. Ургамалын тос, хүнсний ногоо, шпагеттины гоймон.... Түрүүвчинд байсан хамаг мөнгөө бараад гэртээ ирлээ. Нэтэд сууж байсан чинь нэг найз маань сонгодог хөгжмийн концерт үзэх үү?  Илүү тасалбар байна гэв. Ураа... гэж хашхираад хувцасаа өмсдөг юм байгаа биз дээ. Политехникийн музейн концертын танхимд сонгодог хөгжмийн концерт үзэв ээ. Оросын алдарт хөгжмийн зохиолч Чайковскийн хийл хөгжимд зориулсан концерт юм байна. Удирдаачийн гарны хөдөлгөөнийг биширлээ. Хийл, бүрээ, бишгүүр,  цан, бөмбөр (тэр бөмбөрний яг жинхэнэ нэрийг нь мэдэхгүй юм.), төгөлдөр хуур нийлээд яруу сайхан эгшиг танхим дүүрэн цуурайтаад л...   Ням гаригийн амралтаа иймэрхүү байдлаар л өнгөрүүллээ. Уг нь театрт тоглолт явагдаж байхад зөвшөөрөлгүй гэрэл зураг дарах хориотойгоос гадна бүдүүлэг л дээ. Гэхдээ вспышкаг нь унтрааж байгаад ганц зураг дарсан юм. Бас жаахан видео бичлэг хийв. Видео бичлэгээ блог руу оруулах гэтэл загрузка нь удаад байх юм. Болихоос. Хүүеэ, цаана чинь шинэ жил болоход 11 хоног дутуу байна ш дээ. Шинэ жилээр яаж айлгүйтэх вэ? гээд л бодоод сууж байна. хэхэ

Азийн хөг аялгуу

 Өчигдөр Азийн соёлын 7 хоногийн үйл ажиллагааны хүрээнд зохион байгуулагдсан концерт үзэж сууваа. Чингисийн үр сад гэдэг нэртэй Монгол бүжгээр энэ концерт эхэллээ. Дараа нь бангладеш, афганистан, хятад, тайланд, вьетнам оюутнууд гарч ирж дуулж бүжиглэв. За хэдэн зураг оруулчлаа.  

Зураг 1. Тайзны ерөнхий байдал.

 Зураг 2. Хятад залуу. Их л сүрхий дуулж байна. Хөдөлгөөнтэй болохоор царай нь сонин бүрзийж. Уг нь материал сайтай залуу байна лээ. Lol..

 Зураг 3. Лаос оюутнууд үндэсний бүжгээ хийж байгаа нь

Зураг 4. Энэ Индонезийн үндэсний дуу бүжиг

Зураг 5. Монгол оюутан охин морин хуур тоглож залны жаварыг үргээв.
















За өчигдөр орой нэг иймэрхүү л өнгөрлөө.

Ойрын үед

За Орос орны нийслэлд ирээд УБ-ын утаанаас холдоод сайхан байнаа. Ирсэнээсээ хойш хамаг хувцасаа угаагаад, байн байн усанд ороод л... Учир нь хамаг хувцаснаас  утаа үнэртээд болдоггүй ээ. Өчигдөрөөс эрдэм номын мөрөө хөөж сургууль соёлоороо шагайв. Багштайгаа уулзсан чинь ор сураггүй удаан хугацаагаар алга болсон гэж надад гоморхож байна. Өндөр настай хүнийг нэг бодлын өрөвдөх шиг. Би тэгэж байгаад асар танхай. оюутан хэхэ. Гэхдээ хичээлгүй, бие даалттай хүн чинь эх орондоо л байхыг бодно шд.
Энд юмны үнэ тэнгэр хадчихжээ. Он гараа бүх юмны үнэ нэмэгдэх сурагтай.  Монголоос явахын өмны энд байдаг "манай ангийн" нэг монгол хүүхэдтэй чатлаж байсан юм. Тэгээд ирсэн хойноо утасны дугаараа солилцоод хэд хэдэн удаа SMS бичилцэв. Уулзалдах уу гэсэн чинь өнөөх маань гэнэт завгүй болчихлоо гэдэг байгаа. Магадгүй ичээд байгаа байх гэж таамаглав. хэхэ. Ядаж байхад сая тэр хүүхэд рүү блогийнхоо хаягийг SMS-ээр явуулчихлаа.  Орж унших биз хэхэ.Дүүрсэн хэрэг.
Японд По, Баябага, Амстердамд миний нэр нэгтэй агаа, АНУ-ын CA-д манай монголчуудын ангийн "ТОВЧОО" байдаг даа. Би энд  ганцаардаад байсан юм. Харин ангийн хүүхэд манай хотод байна гэхээр хааяа утсаар ярьж, буу халж суух ханьтай болох нь гэж найдаж л сууна даа. Ойрдоо хөл бөмбөгийн фанатууд энэ хотоо түйвээж, цагдаа нар түргэн авч байнаа. Бүүр хотын төвөөр явах гэхээр гадаадынханд халтай шүү гэж сургуулиас анхааруулга өгсөн гэж байгаа.

Дассан газар

Дассан газрын даавуу зөөлөн гэдэг дээ. Зорьсон газраа ирчихлээ. Галт тэргээр 4 хоног сажилав. Купенд таарсан хүмүүстэй хөзөрдөж л өдрийг барж байлаа. Ойрдоо тухтай интернэтэд суух боломжгүй миа байна аа.

Ядам хуруу...

Ойрдоо амжуулах ажил ихтэй. Өдөр хоног ч яаж өнгөрсөнийг анзаарсангүй. Ямар ч байсан амжуулая гэсэн ажлаа хийж барав. 12 сарын 7. Мягмар гариг. Ядам хурууны хумсны орчимд арьс сөрчихсөн байхаар нь тэсэхгүй хуулаад хаясан.12 сарын 8. Лхагва гариг. Өглөө сэрсэн чинь нөгөө муу арьс нь сөрчихсөн байсан ядам хурууны орчимд час час хийж чимчигнэж өвдөөд хавдах янзтай. Одоогоос олон жилийн өмнө энэ ядам хуруу бас л иймэрхүү шалтгаанаар үрэвсэж "ганц хуруудах" гээч зүйл нь болж билээ. Эргээд бодож байхад 2002 эсвэл 2003 он байх. Өнөө цагийн алдарт блогчидтой чухам "ганц хуруудсан" үедээ л танилцаж байсан билээ. Тухайн үед надтай танилцаж байсан "ангийн" нөхдүүд одоогийн алдарт блогчид намайг хуруугаа бинтээр боосон байсныг минь тодхон санаж байгаа буй за. За эрт галавын үеийн дурсамжаа орхиод энэ цаг үедээ буцая. 

Ядам хурууны хумсны орчим чимчигнээд хавдах янзтай байхаар нь дахиад л "ганц хуруудах" гэдэг гайтай зүйл тохиолдох юм биш байгаа гэж санаа зовнив. Ер нь хүн гэдэг сэтгэлийн амьтан болохоор нэг л хэвийн биш болох гээд байгаа хурууныхаа талаар бодохгүй байхыг хичээв.  Өдрийн цайны цагаар хуралтай гэсэн зар мессенжерээр ирэв. Цайны цагаар хурал хийнэ гэж юу байхав. Захиралын туслах намайг явах гэж байгааг хүн амьтанд зарлаад сенсаац дэгдээгээд хаячиж. Хурал гэсэн нэрийн доор хундага виски хувааж ууцгаав. Хүн амьтан харчихна гээд сэрэмжилж албан тасалгааныхаа хаалгыг дотроос нь цоожилов. Орчлон хорвоо их ёжтой юмаа. Хамт булагнасан хүмүүс маань бүгд хүүхнүүд. Тэр дунд би л ганцаараа боожгойтой нь. Ер нь бол ажил дээр хаашаа л харна хүүхнүүд, эмэгтэйчүүд олон. Миний дэргэд хэдэн мянган бүсгүй байсан ч надад...

Миний stra8 найзуудын дотор эмч мэргэжилтэй хүн хэд хэд байдаг юм. Нэг найз руугаа утасдаад ядам хуруу хавдчихлаа яах вэ? Ядаж байхад найз нь аян замд гарах гээд байдаг.Тэгээд одоогоор нэг их ноцтой юм болоогүй тул харъяа дүүргийнхээ, эсвэл аль нэгэн хувийн эмнэлэгт очилтой биш. Чи эмч хүн байна даа. Туслаарай гэж гуйх, шаардахын завсараар хэллээ. Өнөөх маань утасны цаанаас: Би бага зэрэг ханиад тусаад ажилдаа яваагүй гэж байна. Эмч хүн ханиад тусах шалтгаанаар ажилдаа очоогүй гэх үгийг сонсох бас сонин л юм байна лээ. Гэхдээ хүн юм чинь өвдөх үед гарч л таарна. Эмч байлаа гээд ямар тусгай дархлаатай байх биш гэж дотороо бодож суулаа. Эмч найз маань Анагаах Ухааны Их Сургуулийн мастерт сурдаг юм. Би үдээс хойш 15 цагт сургууль дээрээ очно. Тэр үед чи хүрээд ир. Наад дээр чинь тос түрхээд зүгээр болгочихно. Надаас тос авчих гэж байна. Ok гэсэн хариуг би өгөв. Ингээд 15 цагт Анагаах дээр очлоо. Үүдээр нь яваад орсон чинь дүүрэн цагаан халат өмссөн охид залуус. Сургуулийн коридороор явж байтал цонхны тавцан бараадаад анатомын ном дэлгээд сууж байгаа оюутан охин, хэсэг бүлгээрээ тойрч зогсоод химийн томъёо бие биенээсээ асуусан цагаан халаттай хөөрхөн банди нар дүүрэн. Ер нь л анагаахын хичээл хүнд, хэцүү гэдэг үнэн бололтой. Хичээлээ сайн давтахгүй л бол хэд дүгээр ч курсээсээ хасаад, сургуулиас нь хөөчихдөг юм гэнэ лээ. Ер нь энэ цагаан халат өмссөн хүмүүс секси харагддаг юм шиг санагдаад явчлаа.  Миний хоёр нүд өөрийн эрхгүй л сканерийн ажлаа хийгээд унасан. Хажуугаар зөрж байгаа ирээдүйн эмч залуусыг хэсэг ажив. Харин өнөө уулзах найз маань цагаа баримтлаагүй тул бага зэрэг бухимдав.Би:

-Чи хаана байна? Би танай сургууль дээр ирчихлээ гэхэд тэр:

-Зам түгжирээд... Нэлээн хол байна. 

-Чи сургууль дээрээ ирэх юм уу?

-Заавал сургууль дээрээ очих ажилтай. Чи хүлээж бай.

-Өө? Чамайг хүлээж чадахгүй нь ээ. Манай гэрт орой хүрээд ир. Би эртхэн харихгүй бол болохгүй.  Маргааш явах тул чемоданаа баглахаас эхлээд хийх ажил байнаа.

-За тэгвэл би орой гэрт чинь очноо

Орой гэртээ сууж байтал хаалга тогшив. Эмч найз маань гэрт хүрээд ирэв. Ээж хоол аягалж өгөөд л... Угаасаа энэ str8 найзыг маань манайхан сайн мэднэ. Манай аав, ээж, тэдний эцэг эхийг ч мэднэ.  Хууч хөөрч сууж байгаад өнөө найз маань авгай авсан тухайгаа хэлэв. Манай аав, ээж хоёр:

-Одоо ч гэрлэж, авгай хүүхэд авах цаг чинь аль хэдийнээ болсоон. Одоо л гэрлэхгүй бол оройтох нь. Манай энэ байхгүй ээ. Хэзээ авгай авах гээд байгаан. Бүү мэд гэж миний талаар хэлж байна. Бла бла.

За тэгээд эмч найзтай байх сайхан юмаа. Хавдсан хуруугаа би харуулав. Өнөөх чинь цүнхээ ухаж байгаад нэг тос гаргаж миний хуруун дээр түрхээд дараа нь бинтээр боож өгөөд явлаа. Хаа холоос надад тус болох гээд хүрээд ирсэн сэтгэл нь сайхан юм даа. 

12 сарын 9. Ашгүй хавдаад байсан ядам хуруу ядах юмгүй эдгэрчээ. За ингээд чемоданаа үүрээд замд гарлаа. Нөгөө л нэг очдог газраа очно. Гэхдээ дассан газрын даавуу зөөлөн гэдэг үг бий.

ДОХ-ын шинжилгээ

12 сарын 1-нд дэлхий нийтээрээ ДОХ -той тэмцэх өдрийг тохиолдуулан Халдварт Өвчин Судлалын Үндэсний Төвд очиж ДОХ-ын шинжилгээ хийлгэв. kkk

Гэхдээ энэ өдрийг тохиолдуулан зориуд ДОХ-ын шинжилгээ хийлгэсэн гэвэл арай л өрөөсгөл болно л доо. MNED миний бие 2 дахь эх орон руугаа явах болж визний анкет бөглөв. Бүрдүүлэх материал дотор нь 3 сараас дээш хугацаатай явах хүн ДОХ-ын шинжилгээ хийлгэж хариуг нь авч ир гэсэн зүйл байна. ДОХ-ын вирусийн халдвартай гадаадын хүн бол энэ улсын хилийн дээс алхахгүй бололтой гэсэн дүгнэлтийг хувьдаа гаргав. 12 сарын 1-нд өглөө ХӨСҮТ-д очлоо. Сайн дураараа шинжилгээ өгч байгаа хүмүүст  үнэ төлбөргүй . Харин гадаад явах, сургуульд орох, гэрлэлтээ батлуулах гэж байгаа хүмүүс тодорхой хэмжээний төлбөртэйгээр шинжилгээ хийлгэж байгаамаа. За үүнийг ч нуршаад яахав. ДОХ-ын шинжилгээ өгч байсан хүмүүс  бол наад захын иймэрхүү зүйлийг мэдэх биз.

Кассанд нь очиж мөнгөө төлөөд, эмчээс шинжилгээ хийлгэх жижигхэн хуудас аваад  сувилагчийн өрөөнд орж цусаа өгөв. Маргааш өдрийн 2 цагаас хойш ирж хариугаа сонсоорой гэв. 

12 сарын 2. Ажлынхаа завсар зайгаар нь эмнэлэг рүү харайлгаж шинжилгээний хариугаа авлаа. Чи "эрүүл" гэж эмч хэллээ. Бичгийг нь аваад үзлээ. "НЭГАТИВ" гэсэн тод улаан тамга алгын чинээ цаасан дээр дурайж байна. Бичгээ өвөртөө хийгээд эргээд ажил руугаа гүйх гэснээ гэнэт зам хазайж ангийнханы төлөө үйл ажиллагаа явуулдаг нэг төрийн бус байгууллагаар шагайв.  Ер нь манай ангийнханы талаар анхаарал тавьдаг төрийн бус байгууллага гурав байдаг гэж сонсож байсан юм. "ХАМТДАА" төвийн босго давав.

Очсон чинь ганцхан залуу сууж байна. Компьютерийн ард юм бичээд ухаан алга. Танилын нүүр халуун гэж. Хүүе, ингээд хүрээд ирдэг нь юун сайн юм бэ? гээсээр тэр ажлаасаа хөндийрч бид хууч хөөрөлдөв. Хамтарч ном хум гаргах мэтээр ажил хэрэгч яриа өрнүүлээд би явах боллоо. Хүүе чи бэлгэвч авах уу? Манайд японоос тослог ихтэй бэлгэвч, бас гельтэйгээ ирсэн гэв. Хүн юм өгч байхад авахгүй байлтай биш. Үнэгүй юманд нугасгүй гэдэг үг байдаг даа. Анх удаа л иймэрхүү байгууллагад ирж байгаа болохоор сандарсаных уу? юу болсон?  Миний гарт өгсөн бэлгэвчнүүдийг газар унагааж орхив. Хоёулаа өнөөхөө түүж авав. Энд бас ДОХ-йн түргэвчилсэн тест байдаг юм билээ. Хурууны өндөгнөөс дусал цус авч түргэн оношлуур дээр дусаагаад л 15 минутын дараа хариу нь гараад ирэх юм. Хэдхэн минутын өмнө Халдвартын эмнэлэгээс өгсөн хариутай яв цав таарч ижилхэн хариу гарав. "Чи зүгээр байна оо" гэх.  Юм хөгжих сайхан юмоо. ;) Хариу нь ингэж хурдан гардагийг нь мэдсэн бол шууд л энд ирдэг байж гэж бодов.  За 12 сарын эхний 2 өдрийг иймэрхүү байдлаар л өнгөрүүллээ. Одоо 12 сарын 3-нд визний анкетаа бөглөнө доо.

OMG

OMG,,, Цалингаа авдаг банкны картаа хайгаад олохгүй 5 хонож байна. Интернэтээр дансаа шалгаад үзсэн чинь ашгүй мөнгө нь хэвээрээ байна. Хэн нэгэн нь картыг минь олоод доторх мөнгийг нь ашиглаагүй л юм байна. Банкинд очиж цалингийн карт дахиад шинээр авахаас. Өөртөө илүү ажил удах нь дээ. хэхэ Би тэгэж байгаад салан баавгай шиг юмаа... Энэ муу картыг хэдэн ч удаа гээж, хэдэн ч удаа шинээр авч, хэдэн ч удаа ATM-д залгиулж, араас нь хөөцөлдөж авч байв даа

Хөгширхөөсөө өмнө амжиж...

Гэртээ ирээд хоол идчихээд зурагт ширтэнгээ нөүтбуукээ асаагаад суучлаа. Нэг мэдсэн чинь өдөр солигдож. Улс тунхагласны баярын мэнд хүргэе хүмүүсээ. 13-р зуунаас хойш дэлхийд цуу алдараа дуурсгасан, төв Азийн (сүүлийн үеийн зарим нэг геополитикчдын ангилалаар бол Зүүн Хойд Азийн) дэлгэсэн тэрлэг шиг Монгол Улсын иргэн болж төрсөндөө би бахархдаг.

Өөд өөдөөсөө хараад ярихгүй хэрнээ нөүтбүүкний ард байхдаа бол бичээд байх сэдэв гэж байх юмаа. Магадгүй өөд өөдөөсөө эгц хараад ЭНЭ талаар ярихдаа миний нүүр ч улайх байсан биз. Ийм нэг сэдвээр дүү бид 2 чатлав. Миний тухай дүү мэднэ. Үнэндээ бол одоогоос овоо хэдэн жилийн өмнө дүү маань намайг огт өөр утгаар таниж мэдсэн юм. Гэхдээ дүү ч, би ч энэ тухай хөндөж ярьж байсангүй. Харин өнөөдөр илэн далангүй ярьлаа. Дүүгийн мэддэгээс нь эхлээд мэдэхгүй олон юмыг би чатын жижиг талбар дээр бичээд "SEND" товчлуурыг дарчихлаа. Олон ч зүйлийг ярьлаа /Чатласан болохоор ярьлаа гэхээс бичлээ гэсэн нь илүү зөв юм байна./ Ам нээвэл уушиг нээ гэдэг болохоор дотороо байгаа бүхнээ л тавиад туучихлаа. Ирээдүйн талаар харилцан бичээд л байлаа...

Шөнийн 2 цаг. Чатлаж дуусаад google reader-ээ шалгав. Их наран улсад суугаа Пататэ андын 2010/11/25-нд блогтоо оруулсан бичлэгийг уншив. Дүү бид хоёрын чатласан ярианы сэдэв, агуулга нь ялимгүй /ойролцоогоор 30 хувь нь/ яв цав таарлаа. Гайхав. Пататэ арай далдыг хардаг болсон юм биш байгаа даа гэж...хэхэ.
Хөгширхөөсөө өмнө амжиж хийх ажил надад их байна даа.

Хуваарьгүй нислэг

Өнөөдөр ажлын дараа гэнэтхэн хуваарьгүй нислэг хийгээд. Суудлынхаа бүсийг хийгээрэй. Онгоцны бүхээгт хүчилтөрөгч дутагдах юм бол таны суудлын дээрээс автоматаар унаж ирэх... бла бла... Онгоцны цонхоор харсан чинь номин хөх тэнгэр, тэртээ доор хөвөн цагаан үүлс хөвхөлзөөд л...
За тэр ч яахав. Өнөөдөр Орос нэртэй Монгол киноны хоёрдугаар ангийг нь үзлээ.Тас тас инээлгэсэн хөөрхөн л кино.

Нэг жил

Нэг мэдэхэд л нэг жил өнгөрчихжээ. Өнгөрсөн 365 хоногт хийсэн зүйлээ бодсон чинь чамгүй л юм амжуулж. Гэхдээ илүү их мэрийсэн бол үүнээс ч их ажил хийж бүтээж, амжуулж чадах байсан байлгүй. Жил бүрийн 11 сарын 11-ний өдөр болоход би дараа жилийн өдийд хаана юу хийгээд явж байх бол гэж өөрөөсөө асуудаг. Хариултыг нь яг нэг жилийн дараа л мэддэг. 2009 оны 11 сарын 11-нд Москвагаас Калининград руу очиж байлаа. Оросын орон нутгийн нислэгийн онгоцонд суугаад огт таниж мэдэх хүнгүй, хэн тосож авах бол гэсэн төсөөлөлгүй шахуу л явж байлаа. Очсон газраа таних хүнгүй болохоор хэн ч надад төрсөн өдрийн мэнд хүргэж байсангүй. Дөнгөж ирмэгцээ л анх уулзаж байгаа хүмүүстээ "Өнөөдөр миний төрсөн өдөр" гэж хэлэлтэй биш. Ичингүйрээд хэнд ч юу хэлэлгүй чимээгүй өнгөрч билээ. Тухайн үед би 2010 оны 11 сарын 11-нд хаана юу хийж байх бол? гэж мөнөөх л хариулт нь жилийн дараа тодорхой болдог сонин бодолд умбаж билээ. Харин яг одоо би Монголын өдөр тутмын сонины газрын нэг редакцийн өрөөнд сууж байна. Сонины газар ажилладаг юм байна гэж андуурав аа. Энд нэг жижигхэн ажлаар л ирсэн юм. Уг нь хагас цагийн дотор л энд ажлаа амжуулна даа гэж бодож байсан минь талаар болж бүүр өдөр солигдох хүртэл хүлээх хэрэг гарчихлаа. Яг одоо 11 сарын 11-ний шөнийн 01:12 минут. Миний төрсөн өдөр эхлээд 1 цаг 12 минут өнгөрчихсөн байна. Уг нь энд 11 сарын 10-ны оройн 19 цагийн үед ирсэн юм.
11 сарын 11. Амьдрал энэ тоо шиг эн тэнцүүхэн байдаг бол сайхнаа. 2011 оны 11 сарын 11-нд би хаана юу хийж байх байх бол?

Цас бударсан шөнө гэртээ ирлээ.

Уур бухимдалын үүр уурхай болоод байсан зүйл утаа мэт замхарч одлоо. Одоо л нэг уужим амьсгал авахтайгаа болж байна...
2010 оны 11 сарын 5. Өчигдөр би шагнуулав. Хүмүүс надад баяр хүргэж гар бариад л... Төдөлгүй утас тачигнаж дуудлага тасарсангүй. Орчин үед мэдээлэл дамжуулах арга технологи боловсронгуй болсон юм болохоор тэд ч бас үүний үр шимээр мэдэж. Тэгээд хүрээд ирээч гэлээ. Харамсалтай нь ажлынхантайгаа хамт найрлаж суусан болохоор орхиод явалтай биш. Дараа заавал уулзая гэж аргалав.
Аливаа семинар нь өглөө нойр, орой сэм найр, шөнө нь сэм хайр болж дуусдаг гэдэг дээ. Би сэм нойронд нь суулаа. Сэм найранд нь орлоо. Харин хамгийн сүүлчийн сэм хайранд нь хүрсэнгүй. Угаасаа ч хэнтэйгээ сэм хайр болох юм билээ. Хамгийн зөв зам бол гэртээ харих зам байдаг гэдэг үгийг миний нэг мэргэжил нэгт эрхэм залуу мэссенжертээ бичсэн байсан нь санаанд оров. За ингээд ажлынхантайгаа шоудаж дуусаад гэртээ харив. Гадаа гартал цас бударч байлаа. Утаа униар ч алга. Сэтгэлд ч бас утаа униаргүй байгаа болохоор энэ үдэш нэг л гоё. Ганцхан надад л зориулж цас орж байгаа юм шиг. Цас бударсан шөнө таксинд суугаад салхи татуулан энх тайвны өргөн чөлөөгөөр давхисаар гэртээ ирлээ. ^^

Уур савсаж байгаад арилав ^^

За нэлээн хэд хоног их муухай ааштай, ууртай байлаа.

Баримт №1
Дандаа яахараа хамгийн чухал мөчид техник хэрэгсэл гэнэт саатдаг байна аа.

Баримт №2
Өөр өдөр. Нэг хүнтэй ажил төрлийн холбоо тогтоов. Түүний мэдлийн нэг заал түрээслэж авахаар авах юм болов. Өнөөх маань ч "За. Ok" л гэлээ. Тэгээд яг цагаа тулсан чинь өнөөх чинь " Би чамд юу ч амлаагүй ээ" гэдэг байгаа. Хэлсэн амандаа хүрдэггүй балай юмнаас болж ганц миний ажил биш, миний ард байгаа 300 хүний ажил, цаг зав, сэтгэл санааны байдлыг будаа болгож байгаа юм даа. Хийх ёстой байсан ажил ганц зал түрээслэхээс болж 7 хоног=168 цаг хойшлогдов. Дарга над руу зэмлэнгүй хараад л...

Баримт №3
За нэг чухал ажлыг нэлээн настай /тэтгэвэрийн нас нь дөхсөн эмэгтэй/ Э гуайтай хамтран хийх даалгавар авсан юм. Уг нь хамт хийх ёстой байсан ч нөгөөх Э гуай маань хөдөлсөнгүй. Тэхээр нь нойр хоолоо хасаж, ажлын цаг дууссаныг ч үл тоож ганцаараа офис дээрээ үлдэж чадах ядахаараа гүйцэтгэлээ. Тэр ажлын төлөө чигчий хуруугаа ч хөдөлгөөгүй Э гуай харин хөлсөө дуслуулан байж хйисэн ажлыг минь муулж бөөн шүүмжлэл өрнүүлээд донгосч өгч байнаа. Ямар их уур хүрэв ээ. Настай хүн юм болохоор нь өөдөөс нь юм хэлсэнгүй. Хэлмээр байсан ч хэлээ тас хазаад л дуугүй өнгөрлөө. Ингэж хүнд гүтгүүлж үзлээ.

Баримт №4
Энэ хүмүүс чинь ер нь хоосон нэр төр, алдар нэр хөөцөлдөхдөө ямар гаргуун юм бэ? Өнөө Э гуай Н гуайн гэж өөр хүний хийсэн ажлыг газарт ортол нь доош хийх юм. Уг нь тэр эмэгтэйн хийх ёстой, бас хийж чадаагүй зүйлийг нь Н гуай зориглоод барьж аваад хийсэн л байхгүй. Гэтэл Н гуайн хийсэн бүтээлийг Э гуай миний гараар баллуурдуулах гэж баахан үзлээ.

За ингээд хэдхэн хоногийн дотор ийм олон юм үзсэн хүн бухимдалгүй яахийн. Одоо л нэг уур савсаж байгаад замхарч арилж байна шд. За тэгээд ирэх 7 хоногт энэ бүх стрессийг авч хаяхын тулд зад шоудна аа. ^^

Муу новшийн лаларуудыг бүгдийг үзэн ядаж байна. СДАА

Анхааралтай уншаарай.

Хүний идсэн хоол хүнс 7 секундын дотор ходоодонд очдог Хүний үс 3кг даах чадалтай Эрэгтэй хүний эрхтэн нь эрхий хуруунаасаа 3 дахин урт болдог Хүний дунд чөмөгний яс цементээс ч хатуу Бүсгүйчүүдийн зүрх эрчүүдээс илүү хурдан цохилдог Бас эмэгтэйчүүд эрчүүдээс 2 дахин их нүдээ цавчдаг Хүн зогсохын тулд 300 булчин нь ажиллаж байдаг Бүсгүйчүүд энэ мөр хүртэл унших байхад Эрчүүд эрхий хуруугаа харсаар л суугаа Харин одоо хүүхнүүд хажууд байгаа эрчүүдийн эрхий хуруу руу харж байдаг.

Үлгэр дуусах цаг

Нар жаргажээ.
Галт тэрэг хөдөлчихсөн.
Ингээд нэг үлгэр дууслаа

ГЭВЧ

Маргааш дахиад нар мандана.
Хөдөлсөн галт тэрэгний араас гүйгээд хэрэггүй ээ. Харин онгоцоор нис.
Урьдийн юм домог болж шинэ үлгэр зохиож болно шд.

“Тусгай салаа”-ны марш

Харахад бид энгийн байлдагч

Хацар бор даруухан хөвгүүд

Харин цаанаа хат суусан эрчүүд

Халирах айдасгүй тусгайгийн дайчид аа

Жирийн бид эгэл цэргүүд

Жинхэнэ тангараг өргөсөн эрчүүд

Нээрээ бид тусгай салааныхан

Нэрээ гаргасан эрэлхэг цэргүүд

Тусгай салаа алхана

Тугийн дор жагсана

Тусгай салаа давшина

Тулсан саадыг давна

Тусгай салаа алхана

Тугийн дор жагсана

Тусгай салаа давшина

Тулсан саадыг давна

Оломгүй холд хөл эцэхгүй

Онцгой даалгавар биелүүлнэ бид

Салаа шагсаж тулаанд бэлэн байна

Саадыг давах саарахгүй авхаалжтай

Тусгай салаа алхана

Тугийн дор жагсана

Тусгай салаа давшина

Тулсан саадыг давна

ТУСГАЙ САЛАА клип

ТУСГАЙ САЛАА

Өнгөрөсөн жил "Хэцүү анги" гэдэг дориун сериал Үндэсний Олон Нийтийн Телевизээр гарч байсан даа. Харин энэ намрын гол сенсаац нь "ТУСГАЙ САЛАА" болж байна. Юун тэр солонгосын тэнэг сериал вэ? Манайхан чинь асар сонирхолтой гоё зураглалтай сериал хийж байна шд. Монголын теле зах зээлээс солонгос савангийн дуурийг зайлуулах цаг болсон байлгүй дээ. (Ямар сүрхий үг бичиж байна аа би...) За ингээд үдэш болгон MNB -ээр шимтэн үзэж байгаа кино маань энэ боллоо.
ТУСГАЙ САЛАА ЖАГСАНА
ТУГИЙН ДООР ЗОГСОНО....

Цоглог орос эмээ байна даа.

Намар...

Өглөө сэрээд цонхоороо хартал Богд уулан дээр цас орчихжээ. Учиргүй дааруулахгүй хэрнээ гадаа намрын уур амьсгал ороод нэг л зэвэргэн. Өчигдөр ажлын өдөр байсан ч Санзайн ам руу салхинд гарав. ((-. Ойн цоорхойд газар суугаад модны орой руу харахад ямар гоё байваа. Жаахан салхи гарахад л шарласан навч модны мөчрөөс унаж ирээд... Алсын бараа ширтэхэд ой мод бүхэлдээ шаргалтаад. Алтан шаргал өнгөө гэж...

Салаа замын уулзвар дээр

Нэг шинэ ажлын санал надад ирэв. Энэ ажлаа орхиод шинэ ажил эхлэх үү? Эсвэл шинэ саналаас татгалзаад одоо эрхэлж байгаа ажил албаа цааш нь үргэлжлүүлэх үү? Өмнө нь их эрч хүчтэй , асуудалд зоригтой хандаж, хэнээс ч зөвлөгөө авахгүй бие дааж шийдвэр гаргадаг байлаа. Харин энэ удаа нэг шийдвэр гаргаж чадахгүй эргэлзэж тээнэгэлзээд л байна. Магадгүй хашир сууж байгаа нь энэ юм бол уу? Дээр үед 4 жилийн онол гээд л сүрхий юм бичиж байлаа. Нэг ажлыг 4-ээс дээш жил хийгээд ирэхээр дадлагажиж гаршдаг сайн талтай ч шинэ зүйл санаачлахдаа тааруухан болдог энэ тэр гээд л.. бла бла гээд блог дээрээ сараажич өгсөн. Өнөөх 4 жилийн онолоо баримтлах юм бол шинэ орчин, шинэ хамт олон дунд орж үзмээр ч юм шиг... За тэгээд хүмүүсээ та нар юу гэж бодож байна аа? Ажил албаа солихдоо ямар факторыг хамгийн их харгалзаж үздэг вэ? Бодол санаа ч салаа замын уулзвар дээр ирчихээд л эргэлзэж тээнэгэлзээд л байна шүү.

Өнөөдөр 9/27

9/27

Яармагийн дэнжийн Шангрилагийн фонтан дээр... Яагаав дээ, Хажууд нь их дэлгүүр байдаг. Махтай пицца чинь тэгээд махтай юм уу?

Ео, үүнийг үзсэн чинь элэг хөших хашлаа. Гэхдээ утсаар ингэж хамаагүй тоглох нь жинхэнээсээ ажил хийж байгаа хүмүүст саад болж мэдэх л юм. Гэхдээ хүнд хоргүйгээр наргих юм бол өөр хэрэг л дээ. Яахав, гурван залуу ч авъяастай юмаа.

Дурсамж дуу хоёр

Ингээд бодсон чинь цаг хугацаа гэдэг муухай хурдан юмаа. Одоо гадуур явж байгаа 20 гаран насны залуусыг харахаар өөрийн эрхгүй атаархах сэтгэл ч төрөх шиг. Дахиад ийм гоё хорьж болохгүй 20 гаран настай болох юм сан гэж. Нэг л мэдэхэд бүгдийг өнгөрсөн цаг дээр ярих болчихдог. Гэхдээ сэтгэлгээгээрээ л залуу байж чадвал нас гэдэг бас зүгээр л цифр гэж бодох үе бас байх юм аа.
90-ээд оны эхээр Монгол Телевизээр энэ дууны клипыг их нэвтрүүлдэг байжээ. Joan Baez гэдэг бүсгүй DONNA DONNA гэж энэ дууг дуулдагийг саяхан л олж мэдэв. 60-аад оны америкийн од. Кантри стилийн дуу их дуулдаг, хүчирхийллийн эсрэг хөдөлгөөний идэвхитэй гишүүн цоглог бүсгүй байж. Цоглог бүсгүй гэж байжээ гэдэг нь энэ одоо 70 настай эмээ юм байна лээ. Энэ дууг сонссон чинь 90-ээд оны хүүхэд насны дурсамж сэдэрлээ шд.

Миний муу аав

Хаана ч улс төр, эдийн засгийн тогтолцоо үндсээрээ өөрчлөгдөх үед нийгэм бүхэлдээ ганхаж, хүмүүс үүрээ эвдүүлсэн шоргоолж шиг бужигнаж үймээд нэг хэсэгтээ л юм болдог доо. Яг тийм үеийн аавуудын тухай Монголын уран сайхны шинэ киног үзлээ. Энэ киног үзээд эхэндээ инээж байгаад сүүлдээ сүүлдээ уйллаа. Инээдмийн хэрнээ эмгэнэлтэй. Марзан боловч маш их бодуулаар гоё зохиолтой юм билээ. Манайхан ч кино сайн хийж чаддаг болжээ. Үзүүштэй кино байна лээ шүү.

Амьддаа бие биенээ ... хүмүүсээ

Амьдрал санаанд оромгүй зүйлээр дүүрэн байдаг гэж үг байдаг билүү? Өнөөдөр зүв зүгээр ажлаа хийгээд сууж байсан чинь хуучин ажлын газрын нэг товарищ мессенжерээр шүлэг явуулж байна. Уншаад үзсэн чинь үнэн аймшигаа. Утга санаа гэж авах юм алга. Тэр товарищийг ийм юм явуулна гэж бодох нь бүү хэл, зүүдэлж байсангүй.

Амьддаа бие биедээ угла, хvмvvсээ
Алив сайхан биеэ бусдаас бvv харамла!
Хэрэггvй хиймэл эрхтэнээр нєгєєдєхєє бvv шархлуул
Хэн нэгнийгээ хагсарлийн vvд рvv битгий тvлх
Арчаагvй сулралтай нэгнийгээ шоолж бvv инээ
Аяа,чи єєрєє ч байж мэднэ шvv
Амжиж чи єєрєє чалхны оргилд тулсан бол
Аз жаргалын таашаалыг бусдадаа нээж єг
Ачыг чинь тэд бас бvv мартаг
Ганц сайхан сексээр дутаж яваа хvнд
Гарцаагvй тvvнээр нь хангаж өг.

Энэ шүлгийг уншиж дуусаад зарим нэг хүмүүс рүү дамжуулсан чинь янз бүрийн реакц үзүүлж байна шд.
"Чи ямар завхай хүүр вэ?" гэж их сургуульд хамт сурч байсан нэг танил маань хариу бичиж байна. Хүний бичсэн шүлгийг тараасан биш, би гэдэг хүн завхай зайданаараа дуудуулдаг юм байна. Намайг зохиосон гэж бодсон бололтой. Би юу гэж ийм юм зохиогоод сууж байхав. Шүлэг бичих авъяасгүй шд. Хамгийн гайгүй хэлбэрээр реакц үзүүлсэн нь "нэлээн гаж нөхөр ийм юм бичнээ дээ" гэж өөр нэг хүн надаас асуув. Тэхээр нь би "хэлээд юу гэхэв" гэж дэмжив. Дахиж л садар самуун шүлэг ирвэл бусдад тараахгүй байя. хэхэ
Харин өөр дууны үг мушгиж гуйвуулсан өөр нэг шүлэг байна.

Шар үстэй чаатчин охин байсан

Шал дэмий бүтэн жил чааталсан

Анх эхлээд тэр намайг add хийсэн

Арван хурууны бичээч шиг чааталсан

Дахилт: Нэг л удаа камердсан

Тэр намайг нэтэд хүлээжий гэсэн..

Тэр тэр охин чаатчин охин байсан

Тэр тэгээд нэтгүй охин болсон

Тэр надтай чаатлана гэдэг байсан

Тэр тэгээд камердаад намайг мартсан

Нэг жилийн дараа мэйл ирсэн

Нэг хүнтэй чааталсан гэдгээ хэлсэн

Тэр тэгээд түүнд камаа өгсөн гэсэн

Тэр одоо надтай чааталку гэсэн.

Намрын синдром

Өнөөдөр намрын синдромд нэгдэв. Манай ангийнханы амьдралыг хөндөж. Аргагүй байдалд хүрсэн хоёр оюутны хөгжилтэй түүх. Манай ангийнханы амьдралд тохиолддог бэрхшээл, нийгэмд хүлээн зөвшөөрүүлэх, эцэг эх, найзууддаа өөрийгөө илчлэх [ coming out ] гээд танил сэдвүүд... Бас гей гэрлэлт, гей хурим. Манай ангийн зарим хүүхдүүд бол хайртай залуутайгаа хуримаа хийнэ гэж мөрөөддөг л байх. Миний хувьд ингэж мөрөөдөж үзээгүй ч киноны кадрыг хараад нээх гоё санагдав. Ямар ч байсан энэ киногоор дамжуулаад монгол "тийм хүмүүс" [ кинонд хэрэглэсэн нэр томъёогоор бичив ] байдаг юм шүү. Тэднийг зөвөөр хүлээж аваарай гэсэн мессеж өгч байна даа гэж бодлоо. "Намрын синдром" киноны дуу "Дурлахаараа би..."

Хүүхдийн парк

Өнөөдөр хүүхдийн паркт очлоо. Өнгөрсөн 6 сарын 1-нд, бас 7 сарын 8-нд нээгдэх байх гээд л олон хүүхэд хүлээсэн дээ. Хүүхдийн паркын шинэчлэлтийн ажил дэндүү удааширч байна гэсэн шүүмжлэл өрнөж байгаа. Олны гомдол,шүүмжлэлийг намжаах гэж энэ намар ажилуулж байгаа юм болов уу.

Хүүхдийн парк 35 га талбайтай. Хотын даргаар М.Энхболд ажиллаж байх үед 3 га газрыг нь хувийн компаниудад заржээ. Уг нь Японы Иточу корпораци хөрөнгө оруулалт хийж бүх тоглоомыг нь шинэчлээд өгье гэж амласан. Манай хүүхдийн парк 35 га талбайтай гэж япончуудад хэлж. Японы нөхдүүд хэлсэн хэмжээнд нь тохируулаад хүүхдийн паркыг шинэчлэх төсөл боловсруулжээ. Бүтээн байгуулалтын ажлаа хийх гээд газраа хэмжээд үзтэл 3 га талбай совх дутав. Хэлсэн үг, бодит байдал зөрсөнд дургүйцсэн Япончууд "Бид 35 га талбайд л төслөө хэрэгжүүлнэ" гээд гээдийжээ. Ийнхүү гоё парктай болох монгол хүүхдүүдийн аз дутав. Хүүхдийн паркыг шинэчлэх өөр багийг сонгохоор тендер зарлаж, монголын компани энэ төслийг авчээ. Гүйцэтгэгч компани 3 жил өнгөрсөн ч юу хийсэн нь тодорхойгүй байлаа. Энэ хугацаанд хүүхдийн паркын газрыг хувийн компанид зарсан байж магадгүй гэсэн хардлага улам их нэмэгдэв. Удтал дуншсаны эцэст хүүхдийн парк хагас дутуу гэсэн нээгдэв. 32 га талбайн дөрөв хуваасны нэг хэсэгт нь тоглоом суурилуулж, тохижилт хийсэн байна лээ. Шинээр суурилуулсан алсыг харагч нь хараахан ажиллах болоогүй гэсэн. Өмнөх алсыг харагч нь 30 метр байсан бол шинэ алсыг харагч 40 метрийн өндөр.

Агаарын дугуйн зам нь өмнөхөөсөө богино болчихсон юм шиг санагдав. Хуучин замыг нь будаад угсарсан юм биш байгаа даа? Бас галзуу хулгана тоглоомын зам нь яг хэвээрээ. Зам нь урт болсон байлгүй дээ найдаж байсан миний сэтгэлийг гонсойлгов. Бараг л хуучин тоглоомоо будаад ажилуулсан юм биш байгаа даа гэсэн хардлага гаргав. Мөргөлддөг машин ч бас яг хэвээрээ. Харин өмнө нь огт байгаагүй шинэ тоглоом нь энэ эргэдэг динозавр. Бас пингвин гэдэг карусель.
Далайн дээрэмчний завь гэдэг энэ тоглоомон дээр суусан хүмүүс орилж чарлаад сүйд болоод байна лээ. Нээрээ уушиг зүрх амаар гаргачихмаар юм шиг бололтой.
За, сансрын нислэг гэдэг энэ тоглоом бас зориг зүрх муутай над шиг хүн суумааргүй эд байна лээ
За энэ морин тойруулга нь.
Оргүйгээс охинтой нь дээр гэдэг билүү. 13 төрлийн тоглоом ажиллаж байна лээ.Огт хүүхдийн паркгүй байснаас... Дараа жилээс бүрэн ашиглалтанд орчих юм бол аятайхан л болох биз. Одоо туршилтын журмаар ажиллаж байгаа тул тасалбарын үнийг 50 хувиар бууруулж нэг удаа тоглоход дундажаар 2000-3000 төгрөг гэж байсан. Харин хямдралгүй бол нэг тоглоом дээр суухад л 5000-6500 төгрөг байх төлөвтэй. Тасалбарын үнэ нь арай л биш юмаа. 5000 төгрөгөөр 3 минут нэг аттракцион тоглоомд суух хүн байх болов уу даа.

Цай уух уу?

Энэ Япончууд чинь нээх урт наслаж удаан жаргаад байдаг эрүүл саруул бие хаатай мундаг хүмүүс гээд л зурагт радио, сонин хэвлэлээр их бичдэг юм билээ. Үүний нэг нууц нь эрүүл мэнддээ анхаардаг бас ууж байгаа цайндаа байдаг гэнэ та минь ээ. Энэ зунжингаа энэ цайг уулаа. Та нар ч гэсэн нэг уугаад үзээрэй. Японы Токиод үйлдвэрлэсэн будаатай, ногоон цай. Буцалгах хэрэггүй. Халуун усанд хийгээд л хэдэн минут хандлаад л уухад бэлэн. Халуун усанд будаа нь зөөлрөөд ирнэ. Амт үнэр нь бол янзтай. Энэ цай 200 граммаар савлагдсан юм билээ.

Цайг задлаад үзэхэд нэг иймэрхүү. Цайны ургамал, будаа, бас эрдэнэ шишийн үйрмэг мэр сэр бий.За нэг иймэрхүү цай ууж л энэ зуныг өнгөрүүлэв. Хаанаас ийм цай олоод уучив гэж гайхаж байна уу? MNED рүүгээ мэйл бичээд, чатлаарай. Хаанаас олж авсанаа хэлж өгч болно шүү.

Алтан навчис хийслээ дээ.

Өнөөдөр 9 сарын 1. Өглөө унтаж байтал хаалга пин пан гээд цохих чимээнээр сэрлээ. Яав, юу болов энэ чинь гээд ухас хийн босож хаалга нээв. Хаалганы цаана манай холын хамаатан эгч. Хонх хэрэгтэй байна. Танайх хонхоо өгчих гэж байна. Манай гэрт нэг хөөрхөн сувенир хонх байдагийн. Түүнийг шүүгээнээс авч өгвөл за би явлаа гээд шур хийгээд явчихлаа. Цаг харсан чинь 06.50 болж байна. Дунд сургуульд ажилладаг юм. Хичээлийн шинэ жилийн нээлтэнд хэрэг болох хонх хайж манайд ирсэн нь ийм учиртай. Хотын зам түгжирээд хэцүү өдөр байлаа. Дүрэмт хувцасаар ижилсэж, цүнх саваа барьсан хүүхдүүд, оюутан залуус хотын гудамжыг эзэгнэжээ. Зурагтын мэдээгээр 9 сарын 1, сургуулийн нээлтийн тухай сурвалжлага гарч байна. Хүүхдийн цэцэрлэгийн нээлтийн тухай үзүүллээ. Аав ээж нь муриад алга болсоныг мэдсэн жаахан хүүхдүүд бие биенээ дагаж уйлаад... Дунд сургуулийн хажуугаар явсан чинь зунжингаа уулзаагүй бололтой хэдэн охидууд хоорондоо тэврэлэдэд сүйд болж байхыг харав. Их сургуулийн гадуур алхсан чинь хичээлийн хэд дүгээр байр нь хаана байдагийн бол, оюутны холбоо орж автобусны билет-виза захиалая гэсэн хөөрхөн хүүхдүүд шаагилдаж байхын. 9 сарын 1, сургуулийн амьдралыг монгол киноны нэртэй холбоод үзэхэд нэг иймэрхүү.

9-р сарын 1- Намар нахиалсан мод
Сургууль - Мөнх тэнгэрийн хүчин дор
Анги- Алтан өргөө
Багш – Дайсны цэргүүдээ сонсоцгоо
Хөвгүүд- Эр хүн
Охид- Энэ хүүхнүүд үү
Ангийн дарга- Хоньчин Найдан
Лекц- Манай аялгуу
Завсарлагаа- Хонины найр
Асуугдах- Морьтой ч болоосой
Цонхтой цаг- Зарлаагүй дайны уршиг
Улирлын шалгалт- Ламба гуaйн нулимс
Дүн А- Алтан шонхор
B- Ацаг шүдний зөрөө
C- Сэрэлт
D- Би чамд хайртай
F- Ингэх гээд байсан юм
Шалгалтанд унах- Дусал нулимс юу гэж хэлсэн бол
1-р курс- Анхны алхам
2- р курс- Давааны цаана даваа
3-р курс- Зэрэг нэмэхийн өмнө
4- р курс- Би эмээ болохгүй
Гэрийн даалгавар- Еэ бондгорын гэлэн
Сургалтын төлбөр- Аргамжаа
Оюутны зөвлөл- Гарьд магнай
Жижүүр хийх- Бушхүүгийн үлгэр
Хуулах- Азтай дамшиг
Цайны газарт- Найрын ширээний ууц
Шоудах-Пепсиг шинэ үе сонгож байна
Жижүүр- Өндөр ээж

НУ ПОГОДИ ПИН КОД

Өнгөрсөн зуны турш банкны картныхаа пин кодыг мартжээ. Ер нь элдэв пин код мартахдаа гарамгай. Гар утасныхаа пин кодыг мартаад 3 удаа буруу оруулаад блоклож байлаа. Харин энэ удаа банкны пин кодоо санадаггүй ээ. Өнгөрсөн зуны турш картаа хэрэглээгүй болохоор аргагүй юм даа. Өчигдөр орой ATM-д картаа шургуулаад гурван удаа пин кодоо буруу хийгээд залгиулчив. Өнөөдөр банкны картын төв дээр очсон чинь өчигдөр залгиулсан карт өнөөдөр арай л ирээгүй байна. Та маргааш ир гэсэн хариу сонсов. За тэгээд 3 хоног мөнгөгүй шахуу явах нь. Картаа залгиулсаны дараа мөнгө зээлүүл. Би хүнтэй уулзах гэж байна. Хурдан мөнгө аваад ир гэж дүүрүү утасдав. Тэхгүй бол дараагийн төлөвлөгөө будаа болчих гээд. Өчигдөр хол газар очиж эрдэм ном сурах гэж байгаа хэдэн хүүхдүүдтэй уулзаж шар айрагдав. ((-

ХАЙРЫГ ОЛОХООС ИЛҮҮ ХАЙРЛАЖ ЯВАХ ХЭЦҮҮ

ХАЙРЫГ ОЛОХООС ИЛҮҮ ХАЙРЛАЖ ЯВАХ ХЭЦҮҮ

Намрын халуун өдөр

Өчигдөрийн халууныг ээ. Намрын халуун өдөр гэж л үүнийг хэлдэг байх даа. Хар халуунд бов бор болтолоо алхав. Алхах хэрэг гарсан болоод л алхсан хэрэг. За тэгээд их алхсаных уу ам их цангав. Тэгээд амны цангаагаа гаргахаар ажлынхантайгаа бийрдэж суув. Ойрдоо шар цагаан гээд бүх төрлийн айрагнаас хол байсан юм сан. Юу болсон юм бэ? гэмээр их уув. Онцлог нь согтсонгүй. Орой гэртээ ирээд юу ч болоогүй юм шиг шомбойж суугаад дүүгийн орчуулаад өг гэсэн материалыг орчуулж өгөөд байгаам даа. Сая орчуулж дуусчаад одоо блог руугаа орж байна. За сүүлийн 14 хоног gym-дээ явсангүй. Нэг хэсэг түр завсарлага авмаар болов. Завсарлага авна даа ч гэж бодож байсангүй. Бие организм өөрөө л завсарлага авах механизмаа ажилууллаад байх юм байна шд. Ойрд урлаг соёлын хөтөлбөр ихтэй байж магадгүй байна аа. 28-нд Камертоны тоглолт. УДЭТ-т "Би ч гэсэн жаргамаар байна" драмын жүжиг, Өргөө, Тэнгис, Соёмбод бас Монголын шинэ кинонууд гарч эхлэж байгаа сурагтай. 9 сарын 1-нд хүүхдийн парк нээгдэнэ. Оройтсон ч гэсэн хүүхдийн парк онгойж байгаа нь их юм даа гэж бодож байна. Хүүхэд насаа дурсаж, бас шинэчлэгдсэн парк ямархуу болсоныг харахаар хэрэгт дурлаж очно оо. Намар болж хүмүүсийн амьдрал идэвхитэй хэлбэрт шилжиж байгаа нь мэдрэгдэж байна шүү. За унтлаа. Дараа бичье.

Дархан хотоор аялал хийсэн нь.

Амралтын хугацаа ерөнхийдөө дуусгавар болж байна. Улаанбаатараас 265 орчим км-ын алсад байдаг "найрамдалын" гэсэн тодотголтой Дархан хотод хэсэг зугаалаад ирлээ.
Амьдралдаа анх удаа Дарханд очиж үзсэн юм. Улаанбаатарыг бодох юм бол цэвэрхэн, тохижилт сайтай, хотын гудамжны зохион байгуулалт нь маш сайтар бодсоны эцэст хийгдсэн сайхан хот юмаа. Ер нь Дархан хотыг магтах юм бол миний мэддэг магтаалын үг хүрэхгүй нь ээ. Энд гудамжинд замын түгжрэл гэж алга. Нус цэрээ нийж, гудамжинд хог хаяж байгаа бүдүүлэг этгээд алга. Урбанизация сайн явагдсан гоё хот юмаа.

Дархан хотын алдарт 16 давхар орон сууцны байшин. Лифт нь ажиллахаа болиод удаж байгаа юм гэсэн. Хамгийн дээд давхарт нь нэг лам амьдардаг юм гэсэн. Үнэн эсэхийг нь бүү мэд. Би ямар шалгаж үзсэн биш. Эрдэнэс плаза гэсэн энэ барилга бол ашиглалтанд ороод удаагүй байгаа шинэ байшин. 1-р давхарт нь хүүхдийн автомат тоглоомын газартай. Харин 2-р давхарт нь Дарханы "Соёмбо"кино театр бий. Кино театр нь 2 танхимтай. Тасалбарын үнэ нь том хүн 3000, хүүхэд 1000 төгрөг гэж байна лээ. Сонирхоод тасалбарын үнийг асуусан юм. За харин 3-р давхартаа бэлэн хувцас зардаг лангуу дүүрэн. Лангуу гээд их бүдүүлэг бичиж байна аа. Худалдааны төв , Шоппинг центр гэж бичвэл их чамин болох юм байна. ((-:Дархан хотын паркын төв хаалга.

Дарханы энэ парк маш тохижилт сайтай, боломжийн тохижилттой. Аятайхан газар байна лээ шүү. Та минь ээ. Улаанбаатарт иймэрхүү парк ч байхгүй болсон шд. Үнэн биз дээ?

Парк дотор 12 одны орд тус бүрд зориулсан хөөрхөн хөшөө барималтай. Энэ жишээ нь хонины орд. Хонины ордонд төрсөн хүмүүс энд ирж патиараа татуулж болно.
За энэ бол хилэнцийн ордоны бэлгэ тэмдэг нь. Усан оргилууртай. Даанч намайг очиход усан оргилуур нь ажиллаагүй байсан.
Дарханы хүүхдийн парк нь хэдэн ширхэг тоглоомтой. Өдрийн цагаар паркын тоглоом нь ажиллахгүй ээ. Ажиллуулдаг хүмүүс нь тоглоомынхоо моторыг гинжилж цоожлоод яваад өгнө. Харин орой тав, зургаан цагаас хойш ажилладаг онцлогтой.
Паркын гинжин дээр сууж тоглож хүүхэд насаа хальт дурсав. Том хүн 500 төгрөг. Эхэндээ толгой эргэж байснаа сүүлдээ дасаж зургийн аппаратаа гаргаж зураг дарах сэхээ орлоо шд. Паркын хашаанд Монголын газрын зургийг дүрсэлсэн хөөрхөн үзмэр бий. Энэ дарханыг бэлгэдэж хийсэн хөшөө. Шөнө болохоор гэрэл чийдэн асаж их гоё харагддаг юм гэсэн. Онгоцоор нисэж явахдаа бүүр ч тансаг харагддаг гэж байгаа.Дарханы дүүжин гүүр. Орой 9 цагаас хойш гэрэлтүүлэг нь асаад янзтай харагдана шүү дээ.
Шинэ Дархан дүүрэг нь. Гүүрэн дээрээс.
Харин энэ бол гүүрний нөгөө талаас үзэгдэх орчин. Хуучин Дархан хүрэх зам. Бурхантай уул.
Ямар эгц өндөр шат вэ? Өгсөхөд ч яахав. Уруудахад бол хэцүү л юм байна лээ.
Морин хуур цогцолбор Хөөрхөн унага байгаа биз... Дарханы "Морин хуур" цогцолборын ерөнхий байдал... Дархан хот дахь Номин дэлгүүрийн сурталчилгаа За, бүтээн байгуулалтын ажил явагдаж байхад иймэрхүү жижиг самбарыг хаа сайгүй харж болно. Бусдын ажлыг хүндэтгэ. За Дарханд хийсэн миний аялал нэг иймэрхүү. Дарханд иймэрхүү бүтээн байгуулалт хийхээр бол оршин суугч бүрээс нэмэлт татвар авдаг юм билээ. Насанд хүрсэн хүнээс 10000 төгрөг шууд цалин дээрээс нь суутгаад авна. Сургуулийн хүүхдээс 1500, цэцэрлэгийн хүүхдээс 500 төгрөг... гэх мэтээр. Энэ юмыг хийж бүтээхэд миний хэтэвчнээс мөнгө гарсан шүү гэсэн бодол төрдөг болохоор хийж бүтээсэн зүйлээ эвдэж сүйтгээд байх хүн байдаггүй юм гэнэ лээ. Цахилгаан эрчим хүч авахдаа электрон тоолууртай. Урьдчилсан төлбөрт карт худалдан авч цахилгаанаа хэрэглэдэг. Өнөө карт нь дуусвал гэрийн тог тасарна гэсэн үг. Ер нь их зөв менежмент Дарханд байнаа. Зам түгжирнэ гэж байхгүй. Нэг газраас нөгөө газар руу явахад машинтай сүнгэнүүлж өгч байгаа юмаа. Дархан-Уул аймгийн төв Дархан сум гэж ярихаар Дарханыха их дургүй юм билээ. Харин Дархан хот гэж ярих юм бол тэд дуртай. Ер нь тэгээд хотын статусыг нь эргээд сэргээмээр юм. Хуучин Монгол улс Улаанбаатар, Дархан, Эрдэнэт гэсэн 3 хот, 18 аймагтай байлаа шд. Одоо ганц хот, 21 аймагтай. Ганцхан хоттой бүхэл бүтэн улс гэхээр хөгийн сонсогдож байгаа биз дээ. За дахиад Дархан хотод очноо. Гоё намуухан хэрнээ хотын соёл хамгийн дээгүүр түвшинд хүрсэн юм шигээ.