Ойрдоо янз бүрийн ажил хөөцөлдөөд блогоороо шагайж харах ч завгүй шахам байлаа. Янз бүрийн албан газар очиж хурган дарга нарын хаалга үүдийг онголзуулах хамгийн залхуутай ажил. Хурган дарга нар гэлтгүй эмч нар бол бүр хүнд сурталын аппаратууд. Нэг ажил хөөцөлдсөн чинь эмнэлэгийн урьдчилсан үзлэгт орох хэрэгтэй болов. Эрүүл мэндийн даатгалд цалин дээрээс өчнөөн мөнгө хурааж авдаг даа. Гэтэл үүний ид шид огт гарсангүй. Энэ долоо хоногийн эхээр 1-р эмнэлэгт очсон чинь наад эрүүл мэндийн даатгал чинь ХЭРЭГГҮЙ ЭЭ. Таны халаасанд бэлэн МӨНГӨ байна уу? гэж эелдэгээр асуув. Хэрвээ ингэх л байсан юм бол эрүүл мэндийн даатгал гэж байх ямар утга учир байна аа? гэж дотороо бодлоо. Тэгээд ч би хувийн биш, бүүр улсын эмнэлэгт очиж эрүүл мэндийн урьдчилсан үзлэгт орж байгаа ш дээ. Үзлэг ч гэж дээ, үхсэн хойноо... Чих хамар хоолой, харшил, дотор, зүрх уушиг, нүдний хараа, шүд гэх мэтийн хэдэн мэргэжлийн эмч нарын өрөөний үүдэнд оочерлож зүгээр л гарын үсэг цуглуулсан. Өнөө хэд нь мөнгөө төлсөн юм уу? Алив наад цаасаа гээд л шуудхан гарын үсгээ зурав. Шүдний эмч миний мөнгийг хурааж авчихаад хүний урманд ядаж ам руу ч өнгийж харсангүй. Урьдчилсан үзлэг ч гэж дээ. Хөгийн хэлбэрдсэн зүйл юм байна даа гэж дүгнэв. Яг энэ сэтгэгдэлээрээ нүдний эмчийн өрөөнд явж орлоо. Би угаасаа хараа муутай. ..-р шил зүүдэг гэж шуудхан хэлэв. Тэгсэн чинь нөгөө эмч би шалгаж байж гарын үсгээ зурна гэж байна. Энэ чинь л харин овоо ажлаа хийсэн шиг хийдэг эмч байна даа. Нээрээ ойрдоо хараагаа шалгуулаагүй. Хараа муудаж уу? Тогтвортой байна уу гэдгийг далимд нь мэдээд авъя гэж бодлоо. Сүрхийн ажил хэрэгч байртай намайг хүлээж авсан эмч яасан гээч? Намайг нүдний шилээ түр авч бай гэж тушаав. Би дуулгавартай нь аргагүй тушаалыг нь биелүүлэв. Гэтэл дугариг нүхтэй хар өнгийн хавтгай хуванцар нүдний өмнө бариулаад хананд өлгөсөн үсгийг унш гэнэ ээ. Ядаж -1 дугаартай линз зүүлгэсэн ч үгүй. Адаг сүүлд нь миний хэлсэн тоог цаасан дээр тэмдэглэж гарын үсгээ зурсан даа. Ингэх л байсан юм бол худлаа дүвчигнэхийн хэрэг юу байна аа? Ер нь бол би хэдэн эмчийн гарын үсгийг худалдаж авсан болж таараад байгаа юм. Урьдчилсан үзлэг нэртэй ийм эмгэнэлт жүжгийн голд дүрд надаас гадна өөр олон зуун хүн тэр өдөр тоглосон доо.
13 comments:
barag ooroo yavah ch hereggui baisan yum bishuuu???
That's so sad!
hehe. iim bolson yum uu? bi tumur zamin emnelegt yzlegt orhod mash hatuu shagadag bsan. Haraa myytai bol za tegeed goodbye. yamar nairaa baihgyi. bas daatgalaar yzdeg bsan. tumur zamin ajild iimee timee yum garhaar bieiin baidal yamar bsan, yzlegt orson ygyi eseh geed l bas asuudal suhugduj garch irdeg bolhoor ter baih. Bas nuguu talaasaa uchnuun hynii hyvi zaya ard ni baidag baih. Haraa myytai, zyrhnii uvchtei hyn mashinist bolchvol... geed tusuul duu. Dohioni unguu yalgahgyi bas genet zyrh ni hagddag suudlin galt tereg aival tegeed ter dotor heden hyn yavaj baihav geed l. Bi garin yseg hudaldaj avaad geheer chin iir yum bodov. hehe neg zohiol ch ch yum uu, OD... hihi
haha bi emchid yyralsan yyran daa yamar sonin iluu dutuu yzegtei bichee vee!!! hahahahahahahah
hehe zugeer emnelegt ajilladag tanidag hundee ter mongoo ogool bugdiig ni zuruulchihval amar baihaa. buhimdahgui amar geel hehe
Ugaasaa l iim sh de, iim l uchraas bi tsalin buukhaaraa tanidagemch naraa khoolond oruuldag baij bilee unen shuu kkk
to Ookiinii>Zaaval ooroo ochihgui bol bolohgyi geed baisan yum aa.
to Eric> Harin tiimee. Gunigtai geheesee emgeneltei gevel iluu tohiromjtoi ch baij medne.
to Altangay>Ochnoon olon hunii huvi zayag, ami nasiig teej yavdag humuusiig emenelegiin uzlegt oruulahdaa yag jinheneesees ni sain uzehgui bol bolohgyi baih l daa.
to Destiny> Harin tiimee. Daanch 1-r emnelegt tanidag hun baihgyi ee. Harin oor emnelegt bol tanidag hun baigaa l daa.
to Wild and Fancy>Emch taniltai baih ch heregtei baidag yum shuu.
Mongold tom bish jijig emneleg l deer dee.Hudalch hund.Duurgiin negdsen emneleg gaigui l uzeed hariu ene ter heleed ugdug yum.Yag daatgalaaraa unegui uzne,Heregtseet ued ni nemelt tulbur tuldug.1.3 ene ter gesen tom emneleguug ni buun surtal za deerees ni tanil tal gar harna geed l tumen zoblon.Tanilgui bol ochihiin ch shaardlaga bhgui.
to HUGO> Zaaval 1-r emneleg deer ochij uzlegt oroh durem juramtai gej baisan. Oor busad emnelegt uzlegt orson bol huchingui gej baigaa.
Post a Comment