6 тэрбумын нэг нь БИ байна.

Монголд л дов жалганы үзэл дээд зэргээр хөгжсөн байх. Энд тэнд явж байхад хүмүүс "хүү минь чи аль нутгийнх вэ?" гэж ёс юм шиг асууна. Аминдаа төрсөн газрыг нь мэдэж аваад, энэ нутгийнхан иймэрхүү зан ааштай хүмүүс гэж тооцоолоод хэрхэн харьцах стратеги, тактикаа тархиндаа боловсруулж байгаа юм байлгүй гэж би боддог юм. Жалга довны үзэл цөөн хүн амтай, буурай хөгжилтэй улс оронд л байдаг үзэгдэл. Манай аав румын, ээж польш. Миний нөхөр, хайртай залуу герман . Би өөрөө Чили гэж хээвнэг ярьж суудаг. Тэр ч байтугай манай сургуулийн харууд орос охин найрч панаалдаад аваад суучихдаг. 5 жилийн дараа Оросын иргэний паспорт авчихдаг байж билээ. Францид эмээ нь амьдардаг. Этиоп (африкийн орон) аавтай, орос ээжтэй нэг хөөрхөн залуутай манай сургуулийн монгол охин найзалдаг байсан. Миний л мэдэхээр хэд хэдэн монгол охин Перу залуутай дэр нийлүүүлж, хүүхэд төрүүлээд дагаад явчихсан даг. "Би энэ дэлхийн хүн" гэж монголчууд хэлдэг болоосой. Сонгуулийн сурталчилгааны сүүлийн өдрүүдэд "Би дэлхийн иргэн" гэдэг ухамсар Монголын нийт масст огт байхгүй гэдэг нь тов тодорхой харагдав. Сонгуулийн сурталчилгаанд зүтгэж байгаа сэтгүүлч нарыг хараад гол харлав. Хамгийн тэнэг сэтгүүлч нар л сонгуулийн штабд орж, хэдэн халтар мөнгөний төлөө нэр нүүрээ барж, улс төрчдийн гар хөлний үзүүрт зарагдаж, нэр хүндгүй болж байх шиг. Сонгууль ч яахав, болдогоороо болоод өнгөрнө. Сонгуулийн дараа тэр сэтгүүлч нар хөөрхий байна даа. Харин сонгуулийн сурталчилгааны үеэр Монголын PR /пиарчдын/ ур чадвар хавьгүй өндөр юм гэж бодогдов.
За тэгээд дов жалганы үзлээ монголчууд орхиосой. Хүү минь чи аль нутгийнх вэ гэдэг жирийн юм шиг хэрвээ айхтар хор хохирол, гэм хортой энэ асуултыг монголын иргэний үнэмлэхтэй хүн бүр бие биенээсээ асуухаа болих хэрэгтэй. Хэрвээ нэг бүдүүүлэг мангар нь нутаг ус асуувал "Би Монголын иргэн. Энэ цэнхэр гариг дээр амьдарч байгаа 6 тэрбум гаруй хүний нэг нь гэж хариу хэлдэг болцгооё. Монгол үнэхээр л ардчилсан орон мөн юм бол арьсний өнгө, үндэс угсаа нутаг усаараа ялгарч, халимаг, тува, буриад, халх, захчин, үзэмчин хасаг гээд хуваагдахаа болимоор юм. Тэр сэлэнгийнх, энэ Сүхбаатарыг, өнөөх чинь Завханых гэж засаг захиргааны нэгжээрээ ч хуваагдаж талцахаа боличих л хэрэгтэй.
Ер нь хүмүүсийн байр суурийг ажиглаад байхад хоёр Э-ийн аль алинийг нь төдийлөн таашаахгүй байх шиг. Хэрвээ парламентад суудалтай өөр нэг нам (Иргэний Зориг, эсвэл Иргэний хөдөлгөөний нам ) ерөнхийлөгчийн сонгуульд нэр дэвшигч гаргасан бол шууд ногоон гэрлээр ялалт байгуулах ч юм билүү гэж би бодлоо. Хоёр Э хоорондоо үзэлцэж байх хооронд гурав дахь хүн байсан бол ялах ч байсан юм билүү... хэн мэдлээ. хэн мэдлээ.