Үзэгчидийн сэтгэлд хамгийн их хүрсэн киноны нэг бол найруулагч Энг Лигийн найруулсан “Бөгтөр уул” байсан юм. Найруулагч Энг Ли гей залуусын амьдралыг харуулсан өөр нэг шинэ кино бүтээх гэж байна. Шинэ киноны үйл явдал байгалийн үзэсгэлэнт газар ихтэй Вайоминг мужид зохиогддог Вудсток рок хөгжмийн наадмын үеэр өрнөх болно гэж Ройтерс агентлаг уламжилжээ. Энэ киног 2007 онд Эллиот Тайбер, Том Монте нарын хамтран бичсэн "Taking Woodstock: A True Story of a Riot, a Concert, and a Life" гэдэг нэртэй дурсамжын номноос сэдэвлэн бүтээх гэж байна. Киноны гол баатар нь Нью Йорк мужийн Бефел хотод жижигхэн зочид буудал ажиллуулахын зэрэгцээ барилгийн интерьер дизайн зохион бүтээдэг байна. Киног “Focus Features” студид бүтээнэ. Жирийн нэгэн дурсамж номыг өөрчилж кино зохиол болгох хүндхэн ажлыг Жеймс Шамус эхэлжээ. Найруулагч Энг Ли, зохиолч Жеймс Шамус нар 1993 онд “Хурим найр” гэдэг инди-хит кино хийж байжээ. Найруулагч Энг Ли хэдхэн жилийн өмнө “Бөгтөр уул” киног бүтээж, энэ уран бүтээл нь Оскарын 3 шагнал хүртсэн юм.
1 comment:
Bi l lav "wedding banquet"-d ni brokeback-aas iluu durtai
Post a Comment