ПУТИН ИРСЭН ӨДӨР

Өнөөдөр Японоос ирсэн ОХУ-ын ерөнхий сайд Владимир Владимирович Путин Улаанбаатар хотод маань 6 цаг орчим саатав. Путиныг ирэхийг аль эртнээс мэдэж байсан л даа. Өглөө эрт сэрээд ажилдаа явж байхдаа хотын төвийн зам дагуу Монгол, Оросын төрийн далбааг чимэглэсэнийг анзаарав. Бас Сүхээ ахын талбай ч хоёр орны төрийн далбаагаар гангарчихсан байна. Үдийн цайгаар гарсан чинь хотын төвөөр дүүрэн цагдаа. Путин манай дарга нартай албан ёсны хэлэлцээр хийж, гэрээнд гарын үсэг зурчихаад Улаанбаатар дахь цорын ганц үнэн алдартны шашны сүмээр ороод гарч. Дараа нь цагт ЖУКОВ-ын хөшөөнд цэцэг өргөчихөөд лимузиндээ суугаад яваад өгөв. Түүнийг яваад таван минут ч болоогүй байхад "нутгийн индиан"-ууд хөшөөний өмнө тавьсан цэцгийг нь хуваагаад авчихсан байгаам даа. Хэрвээ Путин тэр дороо эргэж ирдэгсэн бол 5 минутын өмнө орхиод явсан цэцэг нь байхгүй болчихсон....
Юм үзсэн юм шиг бай л даа гэж хүмүүст хэлмээр санагдав. За тэр ч яахав. Путин ирээд Монгол улстай стратегийн түншлэлийн харилцаа тогтооно гэж байна лээ. Нэг хэсэг нүүрээ буруулаад байсан Оросууд Монголчуудыг эргэж санаж байх шиг. Оросын хэвлэлийнхэн ч Монголын талаар өөдрөг зүйл ярьцгааж байна лээ. 2000 онд Путин Монголд ирэх үед Оросын телевизээр аймшигтай дүрстэй мэдээ үзүүлж билээ. Маргаашн танидаг гадаад оюутнууд танай монгол гэж ийм газар байдаг юм уу гэж уур хүргээд... Тэр үетэй харьцуулах юм бол оросуудын Монголд хандах хандлага өөрчлөгдөж гэдэг сая харагдлаа.
PS: Удахгүй нэг зураг оруулна аа.