ХҮҮХДИЙН БАЯР

Хамгийн хүсэн хүлээдэг байсан өдрийн нэг нь 6 сарын 1-Хүүхдийн баяр байлаа. Аав, ээжийн ажлын газар очиж уралдаанд оролцоод бэлэг авдаг байж билээ. Зураг зурана. Дуулна. Шүлэг уншина. Намуу цэцэг чамайг.. гээд л авч өгнө шүү дээ.(^^
Тэгээд хамгийн гоё бэлэг нь аль вэ гэж өөрийнхөө үзэмжээр шалгаруулаад л... Парк орж тоглоод л...Саяхан миний багийн зургийг манай дүү олж. Алга болчихоод байсан зураг ашгүй нэг номны завсараас гараад ирсэн. Энэ зургийг хараач. Энэ зураг дээр нүдний харц нь ёстой гэнэ цайлган харагдаж байна гэж дуу алдаж байна. Тэр зургийг харсан чинь нээрээ л гэнэн томоогүй харц. Одоо бол яаж ч хичээгээд тийм гэнэн цайлган, сониучхан царай, дүр төрх надаас гарахгүй дээ.

UNTITLE

Мөнгө гэдэг эрээн цаас хачин шүү. Заримдаа MNED -ийн түрүүвч рүү энд тэндээс аяндаа мөнгө орж ирээд байдаг. Заримдаа бүх мөнгө гараад явчихдаг. Тэгснээ мөнгөнүүд буцаад л хүрээд ирдэг. Би ер нь бодоод байхад их үрэлгэн хүн юм шиг байгаан. Нэг хэсэг би чинь их сүрхий байлаа. Энэ сард ийм ажил амжуулна гээд төлөвлөгөө гаргаад. Тэгсэн чинь өнгөрч байгаа 5 сард канцелярийн аар саархан ажилд түүртээд үр бүтээл муутайхан шиг л өнгөрүүлчих шиг боллоо. 6 сард нэг проект төлөвлөчихсөн. Заавал биелүүлнэ гээд зүтгэнэ дээ. Манай ажлын нэг хүн өнөөдөр яриандаа ам нь халаад "Миний сексийн фантаз" бол эзэнгүй арал дээр 10 хүүхэнтэй хамт жаргалаа эдлэх гэдэг юм байна. Би бол ёстой үнэд орно доо. Нэг хүүхэн ирээд царай алдахаар нь хүлээж бай чиний ээлж болоогүй байгаа гэж даналзана даа гэж ирээд учиргүй баясаж инээв. Уг нь бол харахад амнаас нь ийм үг унамааргүй хүн. Дуугүй хүнийд доодох юу гэдэг билээ. За тэгээд бодоод байхад эрэгтэй хүнд байгалаасаа ийм фантазлах авъяас бас илүү хөгжсөн байдаг бололтой.

Юм юмнаас...

Хүрээд ирж шүү

Өнгөрсөн 7 хоногийн бямба гарагийн өглөө хойд нутгаас ирсэн орос багштайгаа уулзлаа. Хүрээд ирж хөөрхий гэж "Аман хуур" киноны бондгор эмээ хэлдэг дээ. хэхэ. 19-р зууны Оросын уран зохиолын хичээл заадаг байсан багш Улаанбаатарт хүрээд ирж хөөрхий...
Монголд хоёр хоногийн хугацаатай ирсэн. Бээжингээр дамжаад Вьетнам руу явах гэж байгаа гэж надад хуучлав. Сүхээ ахын талбайгаар алхаж явахдаа буу халав. Дараа нь IRISH орж ширээний цаана хууч хөөрөлдөв. УБ-т хоёр дахь удаагаа ирж байгаа. 2006 оны 9 сард ирж байж. Энэ хугацаанд УБ бас өөр болжээ гэж байна. Дараа нь үндэсний түүхийн музейг үзүүлэв. Барон Унгерн, Богд хаан гээд XX-р зууны эхэн үеийн Монголын түүхтэй холбоотой зүйлийг нэлээд сонирхож байна лээ. Бидний уулзалт хагас өдөр л үргэлжилсэн. Монголд хүлээж авсан цаад байгуулага нь бас хөтөлбөр зохиочихсон байж. 14.00 цагаас уулзалтанд оролцно гэсэн болохоор би түүнийг буусан зочид буудал руу нь дөхүүлж өгөөд салах ёс хийлээ. Чамайг хойно буцаад ирвэл тосоод авна гэж амлаж байна лээ. За гэвэл ёогүй хүмүүс. Ер нь оросууд нэг сайн хүндээ бол их сайн ханддаг. Анхнаасаа л муу, тааруухан хүн гээд ойлголт авчих юм бол яаж ч мэрийгээд байхад тоодоггүй сонин ааштай ард түмэн шүү.

Сонгууль.

Сонгуулийн буянаар бүтэн сайн өдөр гэртээ амарлаа. Бодоод байсан чинь би бүтэн сайнд амрах нь ховорхон. Заавал хагас ажиллаж таардагийн. Ням гарагт болсон сонгуулийн үр дүнд ихэнхи хүмүүс сэтгэл ханамжтай байгаа өнгө аястай байна. Хэл ам, хэрүүл тэмцэлгүй сонгууль болж өнгөрсөн бол яамай. Угаасаа ерөнхийлөгчийн сонгуульд хоёр Э-ийн хэн нь ч ялсан миний хувьд ялгаагүй гэж бодож байна. Аль сонгуулийн өмнө л ингэж бодож байсан. Одоо ч миний энэ бодол хэвээрээ.