Унтаахай

Сүүлийн хэдэн өдөр их унтаахай болж байна аа. Өглөө ажил дээрээ 9:30 гэхэд гозойдог байсан бол сүүлийн долоо хоногт 11:00 гэхэд л хээв нэг ажлынхаа газрын үүдээр алхдаг болсон. Өглөө болгон ээжийн хийдэг өглөөний хоол цайг хүлээсээр байгаад бас ажилдаа оройтож очдог болоод байна аа. За тэгээд манайх ямар цаг нарийн бүртгэх юм биш. Хийх юмаа цагт л нь амжуулж байвал хэдийд ирээд, хэзээ харих нь дарга нарт падгүй. Бас хаяа хобби хөдлөх юм бол шөнөжингөө хөлбөмбөг үзэж байгаа. Европын хөл бөмбөгийн аварга шалгаруулах тэмцээний тоглолтыг үзэж суухдаа хэн ямар гоол хийхийг ажиглаад бас заримдаа тамирчид руу нь нүгэлийн нүдээр хараад байгаа юм аа. за за хадуурч байна....

Өнөөдөр ажил дээрээ ирсэн чинь тог тасарчихсан байлаа. Тог нэг ирээд, тасраад, ирээд, дахиад тасраад... Ажил хийлгэхгүй ёстой бухимдуулав. Өглөө гэрээс гарах үед (өглөө ч гэж дээ, 10 цаг хагасын үед) нар ээгээд дулаан юм шиг байсан. Өдрийн хоол идэх гээд гадагшаа гарсан чинь илт сэрүүхэн. Ядаж байхад би богино ханцуйтай цагаан цамц, цагаан өмд, сандаал өмсөөд гэрээсээ гарсан. Орой бүүр сэрүүхэн болоод. Энэ цаг агаарынханд хулхидуулчлаа гэж дотороо бодов.

Сонгуулийн сурталчилгаатай сонин сэтгүүлээр гэр дүүрэх нь ээ. Энэ жилийн сонгууль аймшигтай будлиантай болох байхаа. Сонин хэвлэлээр сонгуультай холбоотой улаан хэрүүл.. дүүрэн. Хэний төлөө саналаа өгөхөө аль хэдийнэ шийдээд, дотороо товлосон болохоор эсэн бусын хүний тархи угаах гэсэн хөөсөнд баясахгүй байгаа. За нэг иймэрхүү...