Lemons-ийн гэнэтийн бэлэг.

Өнгөрсөн жил анхныхаа цомгоор нэрлэсэн “Улаан альбом” тоглолтоо толилуулсан “Lemons” хамтлагийнхан хоёр дахь цомгоо гаргахаар шаргуу ажиллаж байгаа. Ирэх сард фэнүүдийнхээ сонорыг мялаах цомгийнхоо дуунуудыг өөрсдөө зохион, тоглолтынхоо бэлтгэл хийдэг өрөөнд бичүүлж буй аж.

Тус хамтлагийн дуучин Ц.Одбаяраас энэ тухай тодруулахад “Цомгоо гаргасны дараа амьд хөгжим сонирхож сонсдог залууст зориулж өдөрлөг хийхээр төлөвлөж байна. Харин тоглолтын тухайд гэвэл хойтон жил хийхээр шийдсэн. Шинэ уран бүтээлээ рок урсгал руу түлхүү хандуулсан.

Одоогоор бид цомгийнхоо нэрийг ихэд нууцалж байгаа. Учир нь ямар бүтээл туурвиснаа сюрприз болгон тун удахгүй задална. Тэр цаг мөчийг жаахан тэсээд хүлээгээрэй” гэв

www.mongolnews.mn