Би ямар хүн бэ?

Өнөөдөр өглөө ажил дээрээ ирсэн чинь даргадаа магтуулав. Би гэдэг хүн чинь наанаа даруухан царайлаад, харин дотороо бол пээдгэр байлаа. Ашгүй намайг хамаг чадалаараа мэрийж байгаа анзаарч. За энэ ч яахав. Өдрийн хоолонд явж байх замдаа золтой л машины дугуйн доор орчихсонгүй. Яг нөгөө "Гэртээ ганцаараа" киноны Кевиний хамрын өмнө машин тулж зогсдог шиг л юм боллоо. Гол нь миний буруу биш. Би зам хөндлөн гарахдаа ногоон гэрлээр, гарцтай газраар гараад заншчихсан хүн. Тэгээд ч явган зорчигч гарцан дээр давуу эрхтэй энэ тэр гэж нэг дүрэм байдаг билүү? Машин арай илүү хурдтай, эсвэл би арай удаан алхаж байсан бол өдийд би гэдэг хүн дараа төрлөө хайгаад тэнгэрт нисэж байх байсан биз. Бүх юм ганцхан секундын дотор л шийдэгдсэн дээ. Таньдаг мэддэг хүмүүс намайг үхсэн хойно "Энэ сайн хүн байж билээ. Ид хийж бүтээх залуу насандаа явчихлаа. Бурхан сайн хүмүүсийг ингээд яагаа ч үгүй эрт аваад явчих юм даа" гэж халаглаж ярилцаад л, ар гэрийнхэн маань... Ээ, аймаар. За энэ муухай бодлоо орхиё. Түй түй... Машинд дайруулсан бол өдийд ингээд блогоо ч бичээд сууж байхгүй л дээ. Гэхдээ хэрвээ би үхчихвэл хэн нэгэн хүн намайг үгүйлэх болов уу?
Өдрийн хоолны дараа ажил дээрээ эргэж ирээд мессэнжэрээ нээсэн чинь хуучин хамт ажиллаж байсан нэг охинтой таарлаа. (Охин ч гэж, насаар бол надаас нэг л дүү даруухан, ажил хэрэгч бүсгүй байдагийн). Хуучин хамт ажиллаж байхдаа маш сайн хамтран зүтгэгчид байж билээ. Даанч жил гарангийн өмнө тэр ажлаа солиж, 14 хоногийн өмнө гадаадад байдаг нөхөр рүүгээ явсан юм. Мэнд усаа мэдэлцээд ойр зуурын юм ярьж байснаа бид хувийн амьдралынхаа талаар хальт яриад амжив.
O: Hani ijiltei bolj baina uu?
MNED: Ugui ee. Namaig hen toohov dee. Hen negend durlaad dandaa l otkaz sonsoh yum baina shuu dee. keke
O: Cham shig huniig naad UB-ees haigaad olohgui ee. Cham shig orovch, uyaramtgai, tusarhag zaluug bi UB-d baihdaa harj baigaagui.
MNED: Za naiziigaa bitgii yavuulaad baigaarai.
O: Neeree, manai nohor hurtel MNED-iig uhaad uhaad muu muuhai yum garch irehgyi ee gej chinii talaar ertuud helj baisan dag.
MNED: Tiim uu? Za bayarllaa. Martsanaas tanai hunii ajil sain uu?
O: Bid hoyor sain. Ajilaa hiigeed l yavj baina....
За ерөнхийдөө нэг иймэрхүү яриа болов. Ингэхэд хүн ирээдүйд өөрт нь юу тохиолдохыг урьдчилаад мэддэг байсан бол нийгэмд огт өөр байдлаар биеэ авч явж, бусадад хандахдаа ч маш найрсаг байх байхдаа? Хэн хэнээ сайн ойлгоогүйгээс болоод гомдоочихдог. Би ч гэсэн хэн нэгэнд гомдож явсан. Магадгүй өөрөө ч анзаарч мэдэхгүйгээр би бусдыг гомдоож байсан ч байж мэднэ. Уг нь хүн хүнээ ойлгож нөхөрлөх шиг сайхан зүйл байхгүй юм шиг. Надаас алхам алхамаар холдож байгаа шиг санагдах болсон тэр хүмүүсийг би үргэлж найз минь хэвээр үлдээсэй гэж хүсэж байна.