Аймаар кино

Өнөөдөр үдээс хойш ажил дээрээ MY BLOODY VALENTINE'S гэж киног үзлээ. Нэл аллага, цус нөж. Зарим хэсгийг нь үзэж чадаагүй. Нүд халтирмаар кадр ихтэй.Зүрх муутай хүн үзээд хэрэггүй гэж зөвлөмөөр юм байна лээ шүү.

Өмсөх үү? Эс өмсөх үү?

Сарын өмнө бичиг баримт хөөцөлдсөн чинь иргэний үнэмлэхнээс болж гацаанский болох шахсан юм. Түрүүвчний мухарт байдаг, ер нь бараг хэрэг нь гардаггүй иргэний үнэмлэхний рейтинг суга өсдөг юм байна. Миний иргэний үнэмлэхний хүчинтэй хугацаа дуусаад нэлээн хэдэн жил болсон байгаа юм. Би сунгуулахгүй явсаар байгаад өдий хүргэж. Чи намайг тоохгүй байлуу? Одоо ямар их үнэ цэнэтэй, хэрэгтэй гэдгээ ойлгуулна аа гэсэн шиг "Иргэний үнэмлэх"-нээс болж хамаг төлөвлөгөө нурах шахсан. Тэгээд хоёр гараа өргөж буулт хийгээд шинэ иргэний үнэмлэх захиалж билээ. Сонгууль ч ойртлоо. Иргэний үнэмлэх бэлэн болсон байлгүй гээд харъяа хорооны засаг дарга руу орлоо. Бөөн хүнд суртал... Баахан хүлээлгэж байгаад чиний үнэмлэх бэлэн болоогүй гэдэг байгаа. Гуйна гэдэг гутамшигаа гэж...
Тэгсэн чинь ажил дээрээ очсон чинь надтай уулзах гэсэн хүмүүс пиг ширэнгэн ой шиг их. Энэ удаа би ажлын өрөөний үүдэнд хүн хүлээлгэж хүнд суртал гаргачих шиг болсон. Уг нь бол хүнд суртал гаргая гэсэндээ биш, дэндүү олон хүн гэнэт ухаарсан юм шиг ирсэнд гол буруу нь байгаан. Гуйлгана гэдэг гайхамшигаа гэж...
Орой англиар ярьдаг ээлжит болзоондоо яваад буцаж байтал пис пас гээд л сүртэй их чимээ гараад, хажууханд байсан охид хүүхнүүд чарлаад сенсацитай юм болдог юм байна. Би ч гэсэн бондгос гээд цочиж, зүрхний цохилт түргэсээд тэрүүхэндээ л балмагдав. Хамгийн түрүүнд террорист ажиллагаа, бомба юу гээд лаг юм санаанд буудаг байгаа. За би ямар Ирак, Афганд байгаа биш гэж бодоод сүүлд нь инээд ч хүрэх шиг. Яахаараа ийм юм боддог байна аа. Гэтэл замаар явж байсан автобусны дугуй хагарсан байж. Яасан ч сүртэй чанга дуугардаг юм.

За нэг гутал аваад өмссөн чинь хөл холгоод хэрэг алга аа. Ядаж байхад би алхаж явах дуртайг хэлэх үү. Гудамжаар хальт доголж явдаг юм байна. Гутал минь чи намайг ямар их зовооно вэ? эсвэл гутлаа би зовоож байна уу? гэдэг асуулт гарч ирдэг байна ш дээ. Орших уу? Эс орших уу? гэдэг шиг гутал өмсөх үү? эс өмсөх үү? Хэхэ. Гэртээ ирээд харсан чинь хөл цэврүүтцсэн байгаам даа. Нэг хөөрхөн кэт, эсвэл пүүз авч өмсөнө дөө гэж бодлоо шд.

5 сарын 1.

Өнөөдөр таван сарын нэгэн. Майн нэгний баяр гээд хэнхэг царайлаад байхгүй юу... ХАХА. Монголд энэ баярыг аль хэдийнэ тэмдэглэхээ байсан. Ер нь 5 сарын 1-ний өдрийг коммунистуудын бодож олсон баяр гэж олон хүн эндүүрдэг шиг байгаа юм. Үүх түүхийг нь сөхөөд үзэх юм бол 5 сарын 1-ний өдрийг тэмдэглэх заншил коммунист биш, капиталист Америкаас гаралтай юм байна. 1886 оны 5 сарын 1-нд америкийн Чикаго хотод хөлсний ажилчид жагсаал хийж. Ажлын найман цагтай болохыг хөлсний ажилчид эздээсээ шаардав. Чикагод болсон жагсаал 5 сарын 4 хүртэл үргэлжилжээ. Жагсагчдийг хүчээр тараах гэж оролдох үед 6 хүн үхэж, 50 гаран хүн шархадсан байгаа юм. Жагсаал анх эхэлсэн 5 сарын 1-ний өдрийг хөдөлмөрчдийн эв санааны өдөр болгож тэмдэглэж байх шийдвэрийг 1889 онд Парист болсон хуралаас гаргажээ. Ер нь бол энэ өдөр хаа сайгүй л жагсаал, цуглаан, хурал мурал болдог нигууртай. Би ч гэсэн юунаас дутахав гээд бүтэн өдөржингөө л хуралд суулаа. Нэг хуралаас гараад л нөгөө хурал руу. Дэндүү их хуралдаад өнөөдөр орой англиар ярьдаг ээлжит болзоондоо очиж амжсангүй ээ. (^^